「謂食」貓仔：貓仔為了食，真係會用盡方法。有一次，哥哥煲完湯，將煲湯豬肉棄置於垃圾袋中，結果，貓仔嗅到肉香，將整塊豬肉由袋內扯下來，仲大啖大啖品嚐。

     又有一次，我係「肯得雞」買外賣回家吃，我好明白貓係唔可以食調味過既炸雞，我亦都唔會畀佢食，但貓仔竟然係我食野既桌子底「執手尾」，連炸雞碎都唔放過，我嘗試要佢吐出來，佢仲咬多幾啖食埋，你話貓仔係咪好謂食呢！

     重視生活質素的貓仔：貓仔其實好著重生活既細節，我爸爸試過將食水裝入樽，再倒出來給貓仔喝，佢好似好欣賞，又覺得好新鮮，即刻飲。

     有時候，清理完砂盆，一會兒貓仔就入去，好像想率先享用乾淨既廁所咁，這令我感到為佢所做既，佢係會明白。

     由得悉貓仔有腎衰竭至到佢離開，只不過係兩個星期多些既時間，我同哥哥講，好似發了一場夢，哥哥話係一個完整既夢，因為我們感到處理貓仔既事上，過程都好順利。

     我要多謝天父，因祂聽了我們既祈禱，讓貓仔好似BB酣睡著離開，又給我們充裕既時間同貓仔道別。

     我地亦好多謝沈先生處理貓仔body既細心，貓仔係你到，我地都唔擔心。