07年7月12日, 家中大仔毛毛離開我地

去彩虹橋過無憂無慮, 無病無痛嘅生活

一齊相處左五年有多, 從來未試過叫 "毛毛" 之後會應我

但佢一定聽到野, 因為有膠袋聲就會有反應想食野

毛毛喺屋企就好似一個會郁嘅公仔

我試過好努力同佢溝通, 佢只有兩個反應

一. 有野食就走過黎 二. 無野食就即撇

佢係一個好大皮氣嘅少爺仔, 有唔滿意就比面色你睇

毛毛睇過兩次醫生 , 亦係我覺得最對佢唔住嘅決定

一歲到帶去spca 做絕育

手術後傷口不知所謂, 將d肉連埋一舊

之後帶住頭罩佢發左我地好耐皮氣, 又唔食野

由於心情唔好兼唔食野兼帶頭罩

令到佢眼同耳仔發炎, spca 又無比任何事後藥 (gally oka 絕育後都有藥)

再去荃灣睇, 個醫生居然話佢無事

要我老婆同d姑娘提佢幾次兼指住發炎甩毛位 (都好大卟) 比佢睇先知有問題

之後開左幾隻藥

由於要迫佢食藥兼佢好辛苦 (帶住頭罩)

我地第一次聽到佢叫 (兔仔係要好痛苦先會叫, 做完手術佢都無叫過)

而第二次就係今晚..........

過左尼件事, 佢好番晒後, 變得比以前靜左好多

雖然以前都唔會so 我地, 但都有dd反應



其實尼幾日大家都有心準備

我相信毛毛都知自己差不多.......

我琴晚特登幫佢沖涼

希望佢可以乾乾淨淨去到彩虹橋

佢平時好鬼污糟, 成日就身屎尿

我幫佢清晒d污毛, 剪走d結位, 令到佢變番一隻 小 "白" 兔

到左今晚, book 左荃灣城市7:50pm , 原本我想7:30pm, 但診所無期.......

番到屋企見毛毛仲對我地有反應 只係照舊唔肯食野

帶毛毛坐小巴去荃灣

上到車佢又開始有動作

原全唔似就快走

仲向我發皮四用個頭頂我話我隻手責到佢

而尼個動作同眼神, 就係我地最後嘅接觸

7:30pm落車, 覺得佢開始多動作

個心越來越驚, 因好多動物走時回光反照後.........

唔夠半分鐘, 佢叫左兩聲........... (真係整定, 如果我book 到7:30pm, 唔知結果又會點)

可能佢唔想我地再晒錢幫佢揾醫生啦, 又或者佢好討厭醫生

佢係一個乖仔, 佢等我地兩公婆一齊陪佢行最後一段路

入到診所, 我地已經全身大汗, 醫生亦証實........

我地對住佢個身體, 佢依然係好 "靚仔"

估唔到對住一隻五年來無互動無溝通嘅兔仔, 我地都好傷心好難過

最後, 我將佢抱番屋企

通知寵物善終

我最後可以做嘅, 就係比番一個較有尊嚴嘅火化比佢

唔駛同其他身體 "迫", 唔駛做垃圾攞去堆田區

我相信嗰個人會幫佢清潔好再獨立火化





給大仔說話 :

毛毛 , 記住我尼兩晚同你講過d野啊

你係梁毛毛, 去到第二個世界要識做兔

唔係個個都會就你, 要乾淨d, 唔好搞到成身屎尿

最好下世做番人, 又或者搵個好d嘅主人

我諗我今世欠左你, 希望有機會還番d幸福比你啦

好多謝你帶比我地梁家嘅歡樂

無你亦唔會有兩隻狗狗嘅存在

雖然卡卡成日蝦你, 希望你做大哥可以原諒佢啦

再見啦 ............ 祝你新生活愉快

ps. 我比左盒餅嗰個人, 佢話會放喺爐邊, 你記住攞去食啊. (你尼幾日一定好肚餓)