專業寵物善終服務-寵兒傳記

jessie 寶^^最近好嗎？新年快樂^^

2012 年 1 月 25 日 4:16 am

vickymandy 寶頭，

今日不經意地跟哥哥漫遊以前常帶你走過的城門河畔！回到家哥哥突然想起今天是四月二十五日，即是寶頭的生日！巧合地我們又買了寶頭最愛的粟米回家吃！莫非是寶頭你給我們的啟示，叫我們別忘了你！

儍珠！我們又怎會忘記你，雖然你已離開了我們四年有多，但你仍然在哥哥姐姐心目中佔著重要的位置！在彩虹橋怎樣呀？有冇遇見Baby佬同珠佬呀？有冇一齊慶祝生日呀？喺度同你講聲生日快樂！永遠幸福！

永遠愛你的姐姐哥哥

2011 年 4 月 25 日 1:29 pm

哥哥：寶頭，新年快樂。得閒帶朱朱同Baby返嚟拜年！
想你！

2011 年 2 月 3 日 3:36 pm

小雲 BOBO, 中秋節快樂喔！ ^^

2010 年 9 月 22 日 8:28 am

jessie Bobo,中秋節快樂^^

2010 年 9 月 22 日 8:28 am

小雲 BOBO，早早喔 ^^

下星期二就是9月份的生日會了，記得一起來參加喔!!大家都已經很期待了吧，呵呵!!我猜各爸媽們的心情也跟大家一樣地興奮呢!!^^

2010 年 9 月 8 日 3:35 am

小雲 BOBO，早早喔 ^^

下星期二就是9月份的生日會了，記得一起來參考喔!!大家都已經很期待了吧，呵呵!!我猜各爸媽們的心情也跟大家一樣地興奮呢!!^^

2010 年 9 月 8 日 3:34 am

哥哥：寶頭：
四年了，傷痛淡了，但對您仍忘不了！
今年Baby及珠珠分別離開我們，您們在彩虹橋是否已相偶？要同佢地好好相處喎。
想您！

2010 年 8 月 23 日 5:26 pm

jessie 小天使,最近好嗎^~^

2010 年 8 月 23 日 3:21 am

哥哥：寶頭，祝您生日快樂！响彩虹枋同Baby相處得愉快嗎？大家要做好朋友及互相照應呀！OK？
寶呀，原來人越大就越多生老病死嘅問題要面對，生命真係好脆弱及無奈！唯有相信每樣事情無論好與壞，神都會作出最好的安排！
重有記得多D返嚟探我地，帶埋Baby都唔軀！
想您！

2010 年 4 月 25 日 4:17 pm

vickymandy 寶頭，

生日快樂呀！
願你在彩虹橋開開心心，快快樂樂！

永遠愛你的姐姐哥哥

2010 年 4 月 25 日 4:44 am

vickymandy 寶頭，

跟Baby在彩虹橋重遇了吧！你要照顧他，帶他認識新朋友仔，最重要當然是帶他品嘗美味的食物！日後記緊彼此相愛，互相照顧！那我們便放心了！

永遠掛念你們的姐姐(大家姐)

2010 年 2 月 22 日 2:32 pm

vickymandy 寶頭，

轉瞬間你已離開姐姐哥哥三年了！時間過得很快！和你生活的片段仍然瀝瀝在目！家中的軟墊，你的洗毛水.....仍是原封不動，都是姐姐哥哥因懷念你，而不捨得棄掉吧。

寶頭，你好嘛？在彩虹橋生活應該習慣了吧？最近夢中少咗見你，唔好掛住玩，多啲回來探吓我哋！知道嘛？

想念你的姐姐

2009 年 8 月 23 日 1:58 pm

哥哥寶頭：
三年啦！三年等於1068日！寶頭原來我們已經分開咗千幾日咁耐。
寶頭您最近點呀？咁少返嚟探姐姐同我，緊係掛住响彩虹橋度識女仔啦！
寶頭雖然您離開咗我們三年咁耐，但係我同姐姐並沒有忘記您，我地每日都有上呢度睇寶頭您，我地仲好掛住您架！
想您！

2009 年 8 月 23 日 3:45 am

哥哥寶頭：
今天是您的生日，祝您生日快樂！細心想一想寶頭您都好耐無返嚟探我地，咁識做啦。
寶呀、我星期二要做檢查，您要保佑我無事喎，因為我仲要照顧姐姐佢。
想您！

2009 年 4 月 25 日 3:53 pm

vickymandy 寶頭，

唔經唔覺又一年喇！生日快樂！
相信你都知道這兩天發生什麼事！幸好有主及寶珠你對哥哥的庇祐，使我們逃過這個大劫！你要一直守護着哥哥，知道嘛？

掛念你的姐姐

2009 年 4 月 24 日 6:12 pm

jessie 聖誕快樂^~^!

2008 年 12 月 24 日 10:16 pm

apple&ven 宝宝;好耐冇見,你幾好嗎?曰子過得好快.眨眼又一個月,你有好好照顧自己嗎?我想你一定會好好過的,因為你知道你過得好,姐姐哥哥就過得好,是嗎?希望你日日都快樂!

2008 年 10 月 22 日 10:53 am

哥哥：寶頭：
咁就兩年。唔經唔覺寶頭您同哥哥姐姐分開咗咁耐。喂，仲有否掛住我地先？呢排好少返屋企探我喎，咁識做啦。寶頭您知唔知哥哥同姐姐成日都好掛住您架，我地絕無話時間耐咗就將您忘記，因為寶頭您係哥哥同姐姐最痛錫嘅仔仔。
想您！

2008 年 8 月 23 日 6:28 pm

vickymandy 寶頭，
唔經唔覺你已經離開咗我哋兩年喇！你好嘛？喺彩虹橋有冇好好幫我睇住肥貓、小美同小忌廉呢？
我同哥哥都好好，雖然日子過得平淡，但也是一種福份呢！前兩晚都喺夢中見到你，哥哥話你偏心呀！你今晚快啲探下佢啦！
寶呀！你知嘛？關於你的一切一切，對於哥哥姐姐依舊是刻骨銘心！非常想念你！

2008 年 8 月 23 日 9:56 am

vickymandy 寶頭，
今晚姐姐要返通宵班，好耐冇返喇！唔知慣唔慣呢？今晚得哥哥一個，不如你返嚟陪吓佢，等佢唔好咁悶啦！

2008 年 6 月 14 日 5:59 am

vickymandy Bobo子，
今日係姐姐喺CT最後一日，好唔捨得！嚟緊嘅日子姐姐可能會好辛苦，好唔習慣，你要多啲返嚟見吓我哋，比多啲鼓勵姐姐，知道嘛？

2008 年 6 月 8 日 4:49 pm

vickymandy 寶頭，
妹妹個女女小忌廉昨天離開了，這個消息來得很突然，為免姐姐唔開心，妹妹同媽咪一直隱瞞着，沒有告訴姐姐她患上腹膜炎已有一個月的消息，最遺憾是姐姐只見過小忌廉兩次面，唔開心係有，但好快已平復過來。寶呀！小忌廉只是一個七個月大的BB女，身為大哥哥的你，要幫我們好好照顧她，知道嘛？

2008 年 5 月 26 日 4:02 pm

哥哥：寶頭：
最近四川果面大地震，有好多人嘅家庭成員因此而喪失咗生命。從報紙及電視上看到他們的傷痛，令我十分感慨。因為又從我內心深處觸動起失去寶頭您的傷痛。
最近好嗎？又一個月嗱！有晚寶頭您返嚟要我抱抱，係咪好掛住哥哥同姐姐呢。係嘅話，咪多Ｄ番嚟囉！
想您！

2008 年 5 月 23 日 4:11 pm

apple&ven 寳呀!你好嗎?Ｄ天氣又冷又熱,你有冇乜嘢唔舒服呀<小心身体呀.靚靚架嘛>唔係點去威 ? 母親節就到啦!快Ｄ返姐姐到锡鍚呀,不過叫哥哥咪呻唶,等父親節先,母親係大哂?好啦;好好保重,希望你在彩橋上笑哈哈.,.,

2008 年 5 月 9 日 3:11 pm

哥哥寶頭：
金毛ＢＢ他只得一個月大，佢可以話乜嘢都唔識就已經離開了這個世界，你喺彩虹橋要幫姐姐同媽咪要好好照顧他，知道嘛！雖然寶頭您比較有性恪我行我素，咪幫幫姐姐哥哥手睇住佢囉。乖仔！
想您！

2008 年 5 月 3 日 3:59 pm

vickymandy 寶頭，
你喺彩虹橋有冇遇見金毛ＢＢ，他只是一個月大的ＢＢ，就已經離開了這個世界，真的很可憐，姐姐同媽咪都好唔開心，如果寶你真係見到他，要好好照顧他，知道嘛！

2008 年 5 月 2 日 3:07 pm

vickymandy Bobo子，
你要守護住Luna姐姐嘅寶寶呀！使他健康快樂地生活下去，知道嘛？

2008 年 5 月 1 日 8:57 am

Luna Dear Mandy and Bobo,
This is Luna, bobo,m a late birthday wish^^ I wish you would be happy in the other place^^ Mandy, my dog is getting better, the vet just said his three main problems having improvement. Thanks God^^ and Thanks you too^^

2008 年 4 月 30 日 8:37 am

哥哥：寶頭：
唔係睇到姐姐留言都唔記得您生日，Sorry!哥哥祝您生日快樂、健健康康、日日都快樂！將來姐姐同哥哥與您在彩虹橋再相會時，再一齊食蛋糕。OK!
想您！

2008 年 4 月 25 日 6:18 pm

vickymandy 寶頭，
生日快樂呀！咁快又一年喇！舊年的生日雖然沒有哥哥姐姐在你身邊，但我們知道你能夠在彩虹橋健康快樂地渡過，也深感安慰，今年有冇識多啲朋友仔同你一齊慶祝呀？
記得喺你十歲生日那年，我們買了個生日蛋糕同你慶祝，你都有份食，還食到一鼻子忌廉，你那趣緻的臉仍然清悉地活現在姐姐腦海中，寶頭，仍是十分想念你！

2008 年 4 月 25 日 1:28 pm

哥哥：寶頭：
又一個月啦，您响彩虹橋過得OK嗎？姐姐今晚要開通宵，得番我一個响屋企，不如寶頭您番嚟陪我，好唔好？
想您！

2008 年 4 月 23 日 4:59 pm

luna yup, similar, i dun mind to leave my email: jeer87@yahoo.com.hk ,,,thanks ..i am realli appreciated it

2008 年 4 月 15 日 1:40 am

vickymandy 寶頭，
姐姐最近好懶，好耐冇留言，但你應該知姐姐每天都會來這裡探望你！所以我知道你一定唔會怪我！寶呀！你好嘛？姐姐呢個星期就唔多掂，感冒初愈後，每晚瞓成十個鐘頭，但返工時仍然非常疲累，完全提不起精神！寶呀！好攰呀！點算好？

2008 年 4 月 14 日 4:22 pm

vickymandy Luna，
我寶頭患的是心臟病及腎衰竭，他亦曾中過風，你狗狗是不是患相同的病，如不介意，不如留底e-mail，我再覆你！

2008 年 4 月 14 日 4:14 pm

luna i think my dog is suffering the same sick as bobo, can u teach me how to encounter the difficulties? i feel lost and frustrated.thanks

2008 年 4 月 14 日 9:06 am

哥哥：寶頭：
哥哥最近轉換咗新工作環境，勁辛苦。做咗咁多年要重新學習新嘢，頭都大哂。過我會好努力咁克服佢，無理由姐姐咁蠢都得而我唔得架！
寶頭，又一個月囉，重乜咁少噃嚟探我？記住要多Ｄ番屋企探姐姐同哥哥我地，知道未。您响彩虹橋有無復活蛋食呀？我仲記得每次哥哥食雞蛋時您果個為食樣。
想您！

2008 年 3 月 23 日 2:38 pm

vickymandy Bobo子，
Jacky哥哥個女女昨晚離開了他，他很傷心，情形跟姐姐哥哥當日失去你一樣，很不捨，很心痛！那刺痛的感覺又一下一下刺進姐姐心內，眼淺的姐姐當然又不停流下淚來，寶，你好嘛？雖然已事隔年半，姐姐哥哥仍十分掛念你，仍常常把你的名字掛在咀邊.........
Jacky哥哥嘅女女係白色比熊，個名叫"比比"，你喺彩虹橋要好好照顧佢，知道嘛？

2008 年 2 月 25 日 3:40 pm

哥哥：寶頭：
咁就過完年，您話Ｄ時間過得幾快。今年哥哥同姐姐幫您逗咗幾封利是，有爸爸、媽咪、ＡＰＰＬＥ姐姐同君姐佢地，好開心呀，原來徐咗哥哥同姐姐之外都重有咁多人記得寶頭您。
想您！

2008 年 2 月 23 日 3:40 pm

apple&ven 寳寳;今日係情人節,有冇同朋友仔拍拖拖呢?祝你快快樂樂,多Ｄ女朋友.希望你保佑所有家人温温磬磬,快快樂樂,健健康康.你要好好著衫唔好凍襯,好好照顧自己.

2008 年 2 月 14 日 9:38 am

哥哥寶頭：
喂、又係我呀，呢幾日好凍好凍喎，記住着番衫仔，唔好泠親。姐姐佢都好怕凍，寶頭您要幫哥哥溫暖住姐姐個身同心喎。
哥哥同寶頭响度祝願姐姐佢日日都咁靚、身材更加正、Money洗唔晒。恭喜！恭喜！
想您！

2008 年 2 月 6 日 5:54 am

哥哥：寶頭：
今日年三十晚，新年前哥哥祝願寶頭您响鼠年裡面日日都龍精虎猛、生活愉快、健健康康。聽日年初一記住番嚟同哥哥姐姐拜年喎，我地準備好咗利是比寶頭您。寶頭您年廿八洗咗邋遢未呀？哥哥都未喎，返嚟今晚一齊洗哩。
寶頭您知唔知今日係嫲嫲生日，您在彩虹橋要保佑嫲嫲爺爺佢地長命百歲、身體健康。重有麻煩寶頭您幫哥哥保佑我同姐姐身邊嘅家人同朋友，祝願佢地每天都開開心心、生活無憂，因為佢地同寶頭一樣都是哥哥所重視嘅人。○Ｋ！
想您！

2008 年 2 月 6 日 5:40 am

apple&ven 寳寳;小女女終於誕生啦!好可愛呀!佢好多小動作,好討人歡心,我将你介紹比小女認識,見到你佢眼光光,好似知知地,可能向肚裏睇過我同你倾計,所以就眼碌碌,係到多謝你係彩虹橋保佑我同小女,仲有哥哥姐姐嘅關心,我真係好感動,你地一家嘅眷顧,唔知應該點講好.總之多謝哂.呢畿日天氣凉,要小心,好好照顧自己!仲要多Ｄ番屋企呀!見凍就去哥哥し姐姐處取暖啦!

2008 年 1 月 24 日 12:04 pm

哥哥：寶頭：
人有時真係好得意，明明個心好掛住您，但係就唔知同您講D乜嘢好。姐姐最近將您D相放咗落佢個Facebook度，姐姐佢用咗好多心機同時間去整，得閒您都可以去睇吓。寶呀，姐姐佢最近情緒好低落，我知佢因為掛住您嘅原故，您快D番嚟探吓姐姐幫我開解吓佢啦，好嗎？
17個月喇，點解都係咁記掛住你嘅？想您！

2008 年 1 月 23 日 3:33 pm

vickymandy 寶頭，
姐姐哥哥今天行經寵物店，見到那摩天使BB，勾起了我們對你的無限思念，眼淚又不能自控的湧了出來！仍是那麼想念你，很想再抱抱你！

2008 年 1 月 21 日 4:26 pm

哥哥寶頭：
Apple姐啱啱生了個BB女，7磅幾，唔知算唔算重。寶頭您在彩虹個要保佑呢個剛誕生嘅小生命，保佑佢健健康康、快快樂樂地成長。
寶頭除咗哥哥成日叫你保佑人之外，您都要好好照顧自己，知嗎！重有最近係咪識咗隻狗仔叫金金呢？要好好咁同金金做朋友喎。OK！
想您！

2008 年 1 月 14 日 1:21 pm

Freda 我個細仔金金啱啱去左彩虹橋呀,你要同佢做朋友仔呀,金金嘜都唔識,你要睇住佢呀,ok?

2008 年 1 月 3 日 12:24 pm

jessie Bobo,2008年啦,
新年快樂^~^!

2008 年 1 月 1 日 2:20 pm

哥哥：寶頭：
算你啦，尋晚平安夜返嚟探哥哥。姐姐將我地一家三口整咗個聖誔電子咭，哥哥將張咭送比好多朋友及屋企人，好多人都話好得意、好正。祝你聖誕快樂！
想你！

2007 年 12 月 25 日 3:48 pm

vickymandy 寶頭，
聽肥仔丘哥哥話你同佢囝囝做咗好兄弟，仲識咗好多女仔！聽見你宜家喺彩虹橋活得咁快樂，姐姐哥哥總算放心！明天平安夜，祝你聖誕快樂！想你！

2007 年 12 月 23 日 2:50 pm

哥哥寶頭：
哥哥今日整好咗棵聖誔樹，係咪好靚呢，你知唔知你都有兩棵聖誕樹陪住你過聖誕。寶頭，過多兩日就到聖誕節，唔知你响彩虹橋度係咪都咁好氣氛？
寶頭，16個月啦，好耐無見過你，係咪唔記得咗哥哥呀？
想你！

2007 年 12 月 23 日 2:23 pm

vickymandy 寶頭，
有冇見到Apple姐姐送比姐姐份生日禮物？Apple姐姐專誠找人把我們一家三口的合照畫在石頭上，非常神似，姐姐哥哥好鐘意，寶珠你鐘唔鐘意呢？等姐姐買個透明盒放好佢，寶你幫我找個最佳位置放置佢！OK？

2007 年 12 月 6 日 3:26 pm

哥哥寶頭：
我今日重新報置你嘅居所，鐘唔鍾意呢？終於加咗兩個守護天使比你，希望在衪們的看顧下寶頭你在彩虹橋健康愉快生活。
就到聖誔囉喎，寶頭你想要乜禮物呀？回家探姐姐同哥哥時記住講俾我知喎！
想你！

2007 年 12 月 2 日 3:04 pm

哥哥寶頭：
喂、寶頭你就偏心啦，成日探姐姐就唔駛理哥哥。過哥哥唔會咁小氣嬲你嘅，因為我知道你都好掛住哥哥家嗎。而且哥哥比較堅強，所較你就探姐姐多Ｄ囉。係咪？
寶頭，點解過咗１５個月咁耐都係咁掛住你。你知唔知道哥哥每次睇返Ｄ相，我Ｄ眼淚就忍唔住湧出來。係唔係人越大就不停要面對生老病死呢Ｄ咁傷痛嘅情況。
寶頭你要在彩虹橋開心地生活等哥哥姐姐再相會！
想你！

2007 年 11 月 23 日 4:39 pm

vickymandy 寶頭，
還記得舊年天冷時，姐姐知你怕凍，特登買啲小暖包貼在你背脊衣服上幫你保暖。天氣報告話下星期天氣會轉涼，冇姐姐喺你身邊，你要好好照顧自己，不要着涼！要不是走進姐姐哥哥被窩裡取暖也可以！
最近姐姐常在夢中見到你，每晚睡覺前最期望就是在睡夢中跟你見面，抱抱你，親親你！十五個月喇！寶呀！你知嘛？仍是多麽想念你！

2007 年 11 月 23 日 3:22 pm

apple&ven 寳寳;你好嗎?好耐冇嚟同你傾計,你在彩虹橋上好嗎,識左幾多朋友仔呀,食得好嗎,天氣時汵時熱,要好好照顧自己.日子過得好快,就嚟又聖誕,我都就快,ＢＢ要出世,好緊張,等ＢＢ出世我就介紹你比ＢＢ認識,佢而家都知知地你呢位大人物係邊個,我一路寫佢一路踢我,幾醒同你一样.你要好好保重阿!

2007 年 11 月 23 日 2:07 pm

哥哥寶頭：
錄影帶中十年前的你是多麼的活潑、精力過人。轉吓眼就十幾年，寶頭你更離開咗十四個月咁耐，真係唔到哥哥唔認老唔得。不過我知寶頭你响彩虹哥上面已經變返以前咁活力充沛、通處走吖嗎。係咪！
想你！

2007 年 10 月 23 日 4:31 pm

vickymandy Bobo子，

今天和哥哥一起看你以前啲video，那趣緻，儍乎乎的面孔重現眼前，勾起許多以往快樂的回憶，你雖然已離開整整十四個月，但姐姐哥哥依舊非常想念你！你在彩虹橋一定很幸福吧！還記得大美和小美嘛？在你那邊有沒有遇見他們，你們要互相照顧，知道嘛？
講個好消息你知，姐姐從今天起已不用戴眼鏡喇！晏晝做完手術對眼有啲刺痛，宜家已經冇痛，睇嘢清楚晒，只要小心護理就冇問題！不要擔心！

2007 年 10 月 23 日 2:38 pm

vickymandy 寶頭，

哥哥真係幫你報咗仇，打咗珠佬Pat Pat幾下，不過珠佬韌皮韌肉，當哥哥幫佢抓痕，你嗰時比佢咬住Pat Pat，一定痛好多，簡直是痛在寶身，痛在姐姐心！

好似好一段時間沒有在夢中見你，唔好掛住玩，多啲返嚟探吓我哋，知道嘛？仍是多麼想念你！

2007 年 9 月 23 日 3:42 pm

哥哥寶頭：
就到中秋節，有人話身在異地月圓倍思親，你响彩虹橋有否掛住姐姐同我先？寶頭你記唔記得比珠佬咬你個八月十五呀，今晚我去媽咪度做節果陣時幫你報仇，打噃珠佬個PAT PAT好無？
想你！

2007 年 9 月 22 日 5:06 pm

寶哥姐姐哥哥;你地好嗎?我雖然離開左一年,但我仍常常在你們身邊架!姐姐唔好喊,我成日都在你身邊看著你,當你笑時我會更加開心,但你一流淚我就好心痛,所以你唔可以一想起我就流淚,我會在彩虹槁跟你一起哭.哥哥你都係要好好照顧姐姐同自己,我好好;係彩虹橋上識到好多朋友仔,唔使擔心我'記住無論你地係邊到我都係你地倆個身邊!如果你地唔乖,我就唔鍚你地啊!非常想你們!!

2007 年 8 月 26 日 5:06 pm

哥哥寶頭：
一年前今日別離的情景，現在仍不停在腦海中浮現。每當想起這痛苦的影像，眼淚便像洪水般失控地湧出來。又每當經過我們三個路經的公園、馬路，心裡頭就刺痛起來。寶頭，可想而知你在哥哥姐姐佔有多重的位置。
寶頭，今天哥哥要在此衷心的多謝感激你在過去十個年頭裡帶給姐姐和我無比的歡樂時光，你的淘氣、破壞、饞吃等等，絕對是姐姐和我歡樂的泉源。如過去十個年頭裡沒有寶頭你的存在，哥哥和姐姐的生命是過得何等的枯寂。所以真的很感激寶頭你，寶頭你絕對是天父賜給姐姐和哥哥的寶貝小天使！願寶頭你在彩虹橋上健康快活地生活！
想你！

2007 年 8 月 23 日 12:38 pm

vickymandy 寶頭，
姐姐哥哥的乖兒子，這幾天姐姐腦海裡經常浮現那個既想忘記但刻骨銘心的畫面，你離開前幾小時的情景，心裡一下又一下的劇痛，淚亦不斷不斷地淌！不經不覺你已離開了一年，經過這三百六十五天的光景，姐姐哥哥總算適應沒有你在旁的日子，但人生又好像沒有了方向。每天返工，睇電視，打遊戲機，對很多事情也提不起勁！有想過再養一頭狗兒，但心裡到現在仍然放不底，仍堅持寶貝你佔着我們心裡非常重要的位置，不能給其他東西取替！

再者，姐姐祝願寶寶在彩虹橋永遠幸福快樂！他朝一日，我們必能遇上！

最愛你的寶媽Mandy

2007 年 8 月 23 日 9:57 am

vickymandy Bobo子，
原來有個摩天使女性格同你一樣咁獨特，你哋咪好啱key？人哋女仔人家，唔好蝦佢，要錫住佢，好好照顧佢，知道嘛？

2007 年 8 月 20 日 6:32 pm

HL07 我個摩天女又係91年出世.06年9月5號走.佢性格同行為同Bobo好相似,但願佢地會係天堂相遇.你地感受我深深體會到,好有共鳴.

2007 年 8 月 20 日 8:07 am

哥哥寶頭：
喂今日八號風球喎，你响彩虹號千其唔好週圍走，唔係比Ｄ風咗唔知邊度去。如果彩虹橋太過大風雨嘅話，咪返嚟屋企避吓囉，又可以探吓姐姐同我，幾好。記住我地屋企係24小時全天候歡迎你！
想你！

2007 年 8 月 10 日 11:51 am

apple&ven 寶,你好嗎?唔經唔覺一年啦!日子過得真係好快`你有好好看顧最愛你的姐姐哥哥嗎?你有好好生活比佢地睇嗎?你要努力好好在彩虹橋上過生活'看著他們倆個,叫佢地快快樂樂!我雖然忙左個幾月,但我都會睇下你Ｄ英俊威水相,都懷念你!

2007 年 8 月 4 日 3:21 pm

vickymandy 寶貝，
姐姐又洗乜托哥哥問侯你呢？姐姐日日都嚟探你嘛！你話係咪？
乜咁快就十一個月，寶的一切是姐姐最刻骨銘心的回憶，依然非常想念你！很想再能抱抱我最痛錫的寶貝！

2007 年 7 月 23 日 4:09 pm

哥哥寶頭：
十一個月咁就過去了！剛剛同寶頭你分開了十一個月咁耐，不過姐姐同哥哥從未有忘記過寶頭你，只可以話我同姐姐開始適應現時的模式，但我地兩個對好多嘢都懶懶閒、提不起勁咁，唔知係咪因為缺少咗亞寶你呢。姐姐佢托我同寶頭你講佢仍然非常掛住你。
寶呀，講個好消息你聽，文輝哥佢地有咗ＢＢ，你要保佑Ｂａｂｙ姐姐同個ＢＢ要健健康康喎，話晒文輝哥佢咁錫你，知道嗎？
想你！

2007 年 7 月 23 日 3:39 pm

寶頭哥哥，
今朝揾過你，
乜你咁早起身嫁！
人哋都未瞓醒！
唯有去姐姐個夢度啦！
姐姐講咗比你聽啦！
我仍然咁醒目，咁型仔！而且仲好寸寸添！
喺度祝你生日快樂！同姐姐開開心心！
我喺彩虹橋都很快樂！我會默默期待我們三個相聚的日子！

2007 年 7 月 12 日 2:33 pm

vickymandy 寶頭，
哥哥明天生日，你今晚報夢比哥哥，舔舔他的臉，祝他生日快樂吖！哥哥咁掛住你！這一定是哥哥最珍惜的生日禮物！

2007 年 7 月 11 日 2:37 pm

哥哥寶頭：
姐姐近排工作唔順意，攪到姐姐好唔開心，加上哥哥屋企各人又有問題，令我都好頭痛。寶頭你要俾力量我地，尤其係姐姐，等我地有能力去面對各樣問題，衝破難關。
想你！

2007 年 6 月 30 日 3:27 pm

哥哥寶頭：
睇咗姐姐整果張【守護天使】嘅十字繡味呀？係咪好靚呢，姐姐佢用咗成擔心機同時間去整比你架。你要好好珍惜姐姐嘅心意，知道未。
不經不覺大家咁就分開咗10個月咁耐，哥哥同姐姐嘅日子都係咁過，不過正如哥哥嘅同事河馬叔叔所講，寶頭你嘅離去，而令到哥哥同姐姐嘅生命裡增加了一份欠缺。無論在家或返工，心裡硬係好似差咁Ｄ嘢，而果一份欠缺正正就是寶頭你。可知姐姐同我幾咁掛念你，你要响彩虹橋度好好咁生活呀！
想你！

2007 年 6 月 23 日 7:18 pm

apple&ven 寳;我睇到姐姐幅十字繡啦!真係好靚,好精緻^^甘無微不至嘅努力,只有最愛你嘅姐姐哥哥先做得到,為左你佢哋嘅愛不斷湧現,只有增加不會減少,所以你一定要快樂地在彩虹橋健康地生活!^^

2007 年 6 月 23 日 2:50 pm

vickymandy 寶寶，

十個月喇！你離開咗我哋就快有一年的時間喇！你的名字仍常常掛在大家的口中，對你的思念仍然一絲不減！想起你離開前的片段，心裡仍是一下又一下的劇痛！

知道你能回復健康地在彩虹橋快樂生活，是姐姐哥哥最大的安慰！那副快樂天使十字繡，姐姐已經完成，那一男一女小天使，代表姐姐哥哥對寶珠你永遠的守護，永遠愛着你！宜家攞咗去裝畫框，整好後再掛喺你個花園度，一陣等哥哥返嚟叫佢將副十字繡放喺你個blog度比你睇下先，包你一定鐘意！

2007 年 6 月 23 日 6:14 am

apple&ven 寶寳;你好嗎？好耐冇同你傾計啦!但我間中睇下你Ｄ相,係呀;我有多個小ＢＢ,好開心,ven哥哥都同我好高興,俊彥更加鍾意,佢都想好耐,到時知道男仔女仔話你知;你估吓係男定女呢?係啦,寳;下星期二端午節,祝端午節快樂,今晚我叫哥哥攞多Ｄ阿嫲愛心糭比你同姐姐食,你要叫姐姐食多Ｄ嘢,快Ｄ好番,要照顧哥哥姐姐呀!你都要快快樂樂!

2007 年 6 月 16 日 12:01 pm

vickymandy 寶頭，

今早有人嚟整煮食爐，那個被你咬破了的開關制換了出來。諗番起你嗰時幾曳曳，姐姐哥哥因為要返工，不能常常陪伴你，為表不滿，你就常攪破壞，真係攪攪震，冇幫襯！連煮食爐開關制都比你咬繃，幾勁幾頑強，姐姐哥哥冇晒你乎，反而越來越寵你，你簡直是我們的掌上明珠！

姐姐會好好保存那破了個洞的開關制，用作懷念寶珠你的每一個片段！

2007 年 6 月 11 日 6:23 am

哥哥寶頭：
呢幾日不停咁落雨，濕濕漉漉咁，好討厭。唔知你彩虹橋度有否落大雨呢？暫時要自己照顧自己，唔好俾雨淋親，知嗎！Apple姐姐有咗BB，你要保佑佢地健健康康喎。重有姐姐成日唔舒服，記得幫我睇住佢呀！
呢排你係唔係少咗番嚟屋企，好似好少見你咁嘅。得閒多Ｄ番嚟探我地喎。
想你！

2007 年 6 月 10 日 9:39 am

哥哥：寶頭：
嘩、嘩、嘩！咁就9個月，點解寶頭你重經常在我腦海裡面好俏咁咁走來走去，多年來的片段不停的在眼前浮現，咁就證明寶頭你在我心裡的地位何其重要。今天我可以好肯走地說姐姐和我仍然非常非常掛念着你！願你在彩虹橋上幸福地生活！
想你！

2007 年 5 月 23 日 3:54 pm

vickymandy 彩虹橋既故事呀><

有一座橋連接天與地，
叫做「彩虹橋」，
因為它有著繽紛的色彩，
橋的這一端，
是綿延的草原，
山兵與河谷，一片綠草如茵。

每當深愛的寵物死後，
牠就會去那個地方。
那裡永遠都有食物、水和溫暖的春天。
老而贏弱的動物再度年輕。
殘廢的再度健全。
整日一起玩耍。
牠們只缺少一樣東西。
少了在地上愛牠們的那個特別的人。

所以，牠們每天玩、每天奔跑，
直到有一天，其中一隻，
突然停止玩耍，抬頭看！
鼻子掀動！耳朵豎直！眼睛睜大！
突然從動物群中跑開！

牠看見了你！
當你和你特別的朋友再相遇，
你將牠抱在懷中，
你的臉被親了又親；
你再一次凝視，
信賴你的那對眼睛。
然後你們就可以一起走過彩虹橋
永不再分離。

寶頭，呢個彩虹橋的故事是從你的新朋友仔個Blog度睇到，姐姐哥哥深信他朝一日我們必能再遇上，再次抱着我的寶貝，感覺着你熱騰騰的體温，再不是僵硬了的軀體。不經不覺你已離開了九個月喇！但每次想起姐姐最痛錫的寶貝，姐姐鼻子又再酸起來，好掛住好掛住寶頭，好想好想再抱抱你！

2007 年 5 月 23 日 1:31 pm

哥哥寶頭：
今日母親節喎，有否掛住姐姐同我先？近排點呀？哥哥就麻麻地，Ｄ感冒成３個禮拜都未清。寶頭得閒返嚟探吓姐姐同哥哥喎，知唔知道呀。淑雯姐最近養咗隻貓貓，好得意、好cute。見到咁又攪到我好懷念寶頭你以前同我地相處嘅日子。
想你！

2007 年 5 月 13 日 11:37 am

apple&ven 寶呀!原來你都係呢個月生曰架;甘就祝你生日快樂<在彩虹橋上快樂徤康!>阿ven哥哥都生曰啦,就係明天,希望你在彩虹橋上保佑venven啦,,<係呢個生日過程裏,來臨的日孑快快樂樂,健健康康,所有不愉快的事,艱難的通通走^^寶寳;麻煩你啦!我知你甘醒,一定會幫我!THANK^^*最後真的祝你快快樂@

2007 年 4 月 29 日 11:13 am

哥哥寶頭：
第一次過各自分開的生日，心裡面感到非常落寞，很不是味兒。但細想寶頭可以在彩虹橋上健健康康，快快樂樂地生活，哥哥姐姐更掛念你都可以撐下去。而且將來我地三個又會在天國再重聚，到時咪可以再次三位一體囉！係咪！而家哥哥姐姐响度送個心俾你祝你生日快樂！

.+""+.+""+.
+" My Love "+
"+. 生日快樂!
"+.+"
想你！

2007 年 4 月 25 日 12:50 pm

vickymandy 寶寶，

哥哥姐姐的乖兒子，今天是你的生日，願你在彩虹橋快快樂樂，健健康康地生活！他朝一日我們一定會再遇上！

其實4月25日並非是你真正的出生日期，只因為我們是96年4月25日接你回來，而文輝哥哥喺91年開始由你BB時養你，所以我們便定下91年4月25日為你的出生日期。

在這個特別的日子裡，真是百般滋味在心頭！由你初時對我們的敵意，你咬姐姐的脚指頭，做完手術後自己咬斷手術線的頑強，漸漸你被姐姐哥哥的愛溶化，三口子過得很快樂！每天也會舐哥哥的臉；姐姐唔開心時，你又會坐在姐姐身旁錫錫姐姐；你扮油漆工人批牆灰的模樣，你為食的模樣，你賴皮唔願行扮乳猪仔的模樣，令姐姐哥哥痛心疾首病榻中的模樣..........一幕一幕浮現在姐姐的腦海裡，既懷念！又不捨！

2007 年 4 月 24 日 4:20 pm

哥哥寶頭：
咁就八個月！呢八個裡面，姐姐同我開始响生活上去適應沒有你的日子，但我倆心理上始終未能接受身邊沒有寶頭你！願你在彩虹橋快快樂樂地生活。
想你！

2007 年 4 月 23 日 1:13 pm

vickymandy 寶頭，
八個月喇！你習慣沒有姐姐哥哥在你身旁的日子未呀？仲有冇咁百厭周圍攪攪震呢？我哋仍然很掛念你，仍不時提起你！你始終佔着哥哥姐姐心中最重要的位置！係冇嘢可以代替的！

2007 年 4 月 23 日 11:31 am

vickymandy 寶頭，
噚晚姐姐喺洗手盆洗面時，好似覺得寶頭你隻手手喺我嘅腳背上踏咗一下，感覺很真實！姐姐知你乖，但你應該喺彩虹橋好好咁生活先啱！寶呀！哥哥姐姐應承你，將來一定會去彩虹橋找你！我哋一家三口一定會再重聚！知道嘛？

2007 年 4 月 16 日 2:01 pm

vickymandy 寶珠，
哥哥幾經辛苦，喺任天狗個game不斷比賽，無非想取得最似寶珠姐你嘅白色 toy poodle。頭先一開機，見到哥哥任天狗個game多咗隻白色 toy poodle，很感動，眼淚又躺下來！哥哥成功喇！他不斷玩這個game，並非貪玩，而係太掛念寶珠你呀！

2007 年 4 月 13 日 7:29 pm

apple&ven 寶寶;今日收到姐姐封e-mail,睇過之後心裹有點難過,因為這封e-mail講你嘅同伴,佢遇到唔開心嘅經歷,所以我都會三思,不過我估姐姐都會唔開心,因為姐姐太愛你,她會有身同感受的感覺,但你比這篇的主角幸福好多,因為姐姐哥哥一直都係愛你保護你,從未放棄過你.直到現在你仍然活著他倆心中.寶;希望你在彩虹橋上帶多Ｄ力量比姐姐吧!

2007 年 4 月 12 日 1:27 pm

apple&ven 寶寶;你在彩虹橋上過得好嗎?我喺呢個長假期裹放在五日假,好enjoy,不過美中不足就是ven哥哥冇得放,<好慘呀!>好耐都未試過放甘長嘅假期.不過我都做左好多事,例如;帶俊彥去睇戲,去探公公婆婆,太婆,去冒險樂園玩,仲贏左少少禮物添,都幾充實架!又清理屋企,所以都有好好利用!你呢,都要快快樂樂過呀?掛念你,真的,從未同你相處過,不過看過你的相片,看過姐姐哥哥寫你的故事,唔多唔少有Ｄ印象及了解,同咪你經常聽我發嘮囌及分享,所以我己經當左你係我嘅聽眾啦!麻煩你啦!Thank Thank

2007 年 4 月 9 日 6:34 am

vickymandy 寶珠，
姐姐同哥哥今日去咗灣仔個狗公園，見到好多好多狗狗，每次見到摩天使，姐姐鼻子就酸起來！寶寶，真係好掛住你呀！你要喺彩虹橋健康開心咁生活，第時姐姐哥哥就會到彩虹橋揍番你，知道嘛？

2007 年 4 月 8 日 1:25 pm

apple&ven Sorry Sorry寶寶真係唔得.簡直係一堆不明物件,真係好Sorry,下次,下次一定得嘅!唔緊要啦!哥哥姐姐一定留左好多蛋蛋比你架!

2007 年 4 月 7 日 12:30 pm

apple&ven ^^^^^^^^^ 唉哎@寶寶,我想送隻蛋比你,但可能唔係好似;粗粗地收住先,我再研究下,下次再補數,歡歡樂樂復活節!....^^哈哈 ******* ********* ********** *********** ********** ********* *******

2007 年 4 月 7 日 11:48 am

哥哥寶頭：
尋日兒童節。我希望寶頭你在彩虹橋度好似細路仔咁無憂無慮、健健康康、精力沛沛地生活。祝你兒童節快樂！
想你！

2007 年 4 月 4 日 4:43 pm

apple&ven Hi'你好嗎?好耐冇上嚟同你傾計啦<<你最近如何呀;天氣又凍又熱;真唔舒服>你在彩虹橋上的天氣又如何呢!新年時冇同你講恭喜;現在補返;就嚟復活節'先講句<,復活節快樂,食多Ｄ復活蛋.>要好好照顧自己,唔好令愛你嘅人唔開心同擔心呀!不過你好叻嘅,<我知架!>

2007 年 4 月 3 日 1:26 pm

WING HAN Sorry, it's the 1st time I read this blog. U know I don't hv computer at home GA MA, and it's hard to read it in the office, as I know I will definitely cry (BO MA, yes, we belong to the same HARM BAU group). I think my eyes are swollen now!!! Anyway, u2 nd to be brave and continue to live happily, otheriwe BO will be vy unhappy in the heaven AND most importantly people around u2 will be very worries. Let's try to make everyone happy. GA YAU LA. Just think BO has migrated to somewhere JIA MA:)

2007 年 3 月 30 日 8:18 am

vickymandy 哥哥提醒咗姐姐，噚日係23號，唔經唔覺你已經喺彩虹橋生活咗七個月喇！習慣晒未呀？近排哥哥姐姐都常常夢見你，不如你答應姐姐，晚晚都在我們夢中出現，咁我哋咪可以好似以前咁，日日見面囉！

2007 年 3 月 24 日 3:13 pm

哥哥寶頭：
日子一日一日咁過，唔經唔覺咁就分開咗七個月咁耐，但對你嘅思念姐姐及我從未有變。
想你！

2007 年 3 月 23 日 3:57 pm

哥哥寶頭：
好耐無同你傾計，不過並唔代表哥哥忘記你，我每日都有嚟睇你，每日我都咁掛住你。最近我養個隻任天狗'寶哥'佢好勁，win咗好多比賽，又學識咗好多好難嘅動作。咁又點吖，始終都係遊戲，都無得比哥哥抱抱錫錫，又無寶頭你咁有性格。所以無任咁嘅狗仔(包括真狗仔)可括代替寶頭你响哥哥姐姐心裡面嘅地位，因為你係世上獨一無二嘅寶頭。
想你！

2007 年 3 月 20 日 12:57 pm

vickymandy 今晚姐姐同思慧姐姐傾咗成晚，內容又點少得你嗰份！佢話文輝哥哥嘅囝囝雖然好聽話，好乖，都好得人鐘意！但係佢始終最鐘意寶珠你，你倔強，硬頸，又有性格，是非一般狗兒！所以呢，你話啦！誰能代替寶你在我們心中的地位呢？

2007 年 3 月 17 日 4:13 pm

vickymandy 寶頭，
噚晚發夢見到你，好精靈，好活潑喎！仲見到肥貓同小美添！你哋三個都好健康，生活得好開心！你好百厭咁去聞亞肥貓，你梗係唔知肥貓好惡，萬一比佢抓傷鼻鼻，唔靚仔就幣喇！記住喇！下次唔好咁曳曳喇！

2007 年 3 月 10 日 8:13 am

vickymandy 寶頭，

見唔見到妹妹喺北海道買俾你嘅狗狗音樂座呀？同肥仔丘哥哥送俾你嗰個都好似，妹妹嗰個就豐富啲，除咗有隻白色狗狗外，有好多花花，仲有個天使仔！同你個花園好襯！係咪好鐘意呢？

我寶有咁多人錫，真係一個幸福小天使，姐姐哥哥都覺得很安慰！

2007 年 3 月 9 日 6:12 pm

哥哥寶頭：
明晚元宵節，唔知你在彩虹橋有無識到靚女狗朋友？尋晚哥哥坐車去媽咪屋企時見到個月亮又大又圓，好去你隻眼珠仔咁大咁圓，好靚。寶呀，好耐無見過你，得閒返嚟探吓我啦，好嗎？
想你！

2007 年 3 月 3 日 4:18 pm

vickymandy 寶頭，
哥哥姐姐今日經過一間寵物店，見一隻摩天使冲完涼喺度梳緊毛，行近啲睇，佢同寶珠你一樣，兩邊耳仔都長了灰黑毛髮，真的很少見有摩天使跟你一樣有相同特徵，很感動！淚又不其然的滾下來！寶呀！姐姐好掛住你呀！你知嘛？

2007 年 2 月 25 日 4:12 pm

vickymandy 寶頭，
你已經離開咗半年喇！對你的掛念並沒有隨着時間的流逝而減退！正如哥哥所說，往往想起寶頭你，哥哥姐姐都會淚流滿面。身為男子漢的哥哥，亦不怕承認為了寶頭你而常灑男兒淚，可想而知寶頭你在我們心中有着極奇重要的位置！

2007 年 2 月 23 日 1:14 pm

哥哥寶頭：
咁就過咗６個月，半年可以話長唔長、短唔短，照道理嚟講應該可以接受及習慣沒有寶頭你在身旁的日子，但姐姐同哥哥經常在想起你的時候，眼淚就不停地湧出來。真的十分掛念寶頭你！但我同姐姐會好堅强咁撐下去，因為亞寶你活响我地心裡面家嘛。
想你！

2007 年 2 月 22 日 4:31 pm

vickymandy 寶珠，

新年快樂！收到哥哥姐姐封利是未呀？自己去買餅餅食喎！知道嘛！

文輝哥哥送咗你個名"BOBO"嘅陶瓷擺設比你，每個字母旁都有個小天使，計埋哥哥姐姐之前給你的天使在內，一共有五個守護天使在你身邊！係咪覺得好幸福，好温馨呢？寶呀！唔好意思呀！你再比啲時間比姐姐去完成幅十字繡，到時你就有七個守護小天使喇！

2007 年 2 月 18 日 4:10 pm

jessie Bobo,豬年啦，豬年快樂！

2007 年 2 月 17 日 6:40 pm

哥哥寶頭：
大年初一先祝寶頭你在天國開開心心、無病無憂地生活！尋日哥哥執屋清理你所用過的物件時，牽起很多往事。寶頭你知唔知哥哥同姐姐都好都好掛住你！
想你！

2007 年 2 月 17 日 5:38 pm

哥哥寶頭：
今日年廿八，你洗咗邋遢未呀？我都養咗隻西施任天狗，都幾Q架。但點都唔及寶哥你億萬分之一啦！姐姐感冒喎，點算？你快D保佑姐姐好番，唔係過年病就唔好啦。
想你！

2007 年 2 月 15 日 1:11 pm

vickymandy 寶頭，

唔覺意delete咗芝娃娃個game，妹妹幫我揾到隻白色玩具綿羊狗嘅game，隻狗狗個樣都幾似寶珠你！佢遞手手個樣好攪笑，相信哥哥姐姐都當咗佢係你，所以同佢玩時特別開心！

但係姐姐始終最鐘意寶寶你不服輸，倔強，又有性格，真係非一般狗兒！

2007 年 2 月 13 日 2:19 pm

vickymandy 寶頭，
哥哥買咗部養狗仔遊戲機比姐姐，最衰冇摩天使啦！姐姐唯有揀咗隻白色芝娃娃，始終都係對白色狗仔情有獨鍾！我用咗"寶頭"你個名幫隻狗仔命名，好有親切感！佢同你一樣咁招積，叫極都唔睬；但講到靚仔，都係真寶頭你先係姐姐心中最靚仔嗰個！

2007 年 2 月 9 日 4:01 pm

哥哥寶頭：
哥哥好病呀！你要幫我快D好噃，唔係我點幫埋你個一份去照顧姐姐喎！
想你！

2007 年 1 月 31 日 1:32 pm

vickymandy 寶貝，
噚日同哥哥一齊睇"子狐物語"，小狐狸腦袋受傷，看不見，聽不到，亦聞不到，非常可憐！寶你也是腦有問題，曾兩次腦中風，當看到小狐狸每次病發的情景，哥哥姐姐心好痛，哭得很厲害！大家腦海裡同時浮現你病發時的情形，不想去想，但這些畫面不其然又會出現，好痛......好痛......

2007 年 1 月 29 日 6:31 am

vickymandy 寶珠，
哥哥同姐姐都打敗仗，一齊病咗！知道你宜家一定好叻仔，好健康喺彩虹橋生活！所以，哥哥姐姐知道寶你生活健康快樂，那便是醫治我們的最佳良方，我們一定會好快好番，你唔洗擔心我哋！

2007 年 1 月 28 日 5:00 pm

哥哥寶頭：
寒冷警告生效。記得着衫仔，唔好冷親。姐姐佢就大劑，佢咁怕凍，點算呀？不如你番嚟暖吓佢啦！哥你喉嚨痛，唔知係唔係想作感冒，瀨嘢！
想你！

2007 年 1 月 26 日 4:11 pm

apple&ven hi,hi<<.>>

2007 年 1 月 24 日 11:39 am

哥哥寶頭：
不經不覺你已離開我地5個月咁耐，可知你嘅離去對姐姐同我係幾咁大的傷痛。而呢5個月只是可以俾我地心中嘅傷口慢慢咁去結疤，但係傷痛所留低嘅疤痕就永遠留在心裡永不磨滅。但這個疤痕最起碼可以無時無刻提醒姐姐同哥哥唔會忘記你，不過話時話姐姐同我又點會捨得忘記你呢個寶頭吖！
想你！

2007 年 1 月 23 日 1:29 pm

vickymandy 寶貝，
仲以為今日係22号，原來你已經離開咗我哋五個月喇！
每當幫寶寶的替身白毛狗公仔整理眼仔附近嘅毛毛時，都回想起幫寶你清潔眼睛的情境，你裝兇作勢的模樣，兇巴巴的聲音，都活現在姐姐腦海中，可惜以後都見不到！每次想到這處，都不禁流下淚來！寶呀！姐姐哥哥仲好掛住你呀！

2007 年 1 月 23 日 12:01 pm

vickymandy 寶珠，
姐姐原本好努力咁喺呢個星期成功減咗三磅，但姐姐今晚好無用，又失控咁食朱古力啦，薯片啦......同寶你一樣咁為食！宜家好後悔，唔知要幾多時間先可以減番喇！寶呀！你幾時再陪姐姐去跑步呀？再係咁落去，肥到已經唔係以前嘅靚姐姐，你認唔到我就幣喇！

2007 年 1 月 19 日 3:58 pm

哥哥寶頭：
尋日同姐姐去咗睇寵物展，果度有好多狗仔，好嘈、好熱閙，如果可以帶好你一齊去就好囉，不過你咁鬼有性格實唔showＤ狗仔啫！我知你寧願哥哥同姐姐帶你行城門河好過，係咪？
寶呀，如果可以的話，我希望你可以响彩虹橋守護住每個錫你、想你及經常探望你嘅姐姐、哥哥，以及佢地身邊每個人。
想你！

2007 年 1 月 14 日 10:07 am

apple&ven 寶寶;唔係幾開心,我爸爸最近都係醫院到做緊肺功能,好辛苦,好難受,我知佢好想出院,但係一定要做好先可以做手術,媽媽話;爸爸今日唔開心,鬧情緒,令到我好心痛,如果可以我令願代佢受.＇寶寶;希望你在彩虹橋上幫忙看顧一下這個老公公,亦希望身邊每一個人及朋友都健健康康.你都要快快樂樂!thanks

2007 年 1 月 11 日 1:08 pm

vickymandy 寶呀，
每次在你睡過的軟墊褶衫時，心是痛，鼻是酸，往往回憶起你離開前那個晚上，姐姐陪伴着你在軟墊的最後幾個小時，是漫長，是痛心，是刻骨銘心！現在軟墊依然原封不動，是哥哥姐姐對寶你的執着，是我們對你的不捨！

2007 年 1 月 11 日 12:57 pm

vickymandy 寶呀，
呢幾日天氣好凍，但係哥哥比到許多溫暖嘅感覺比姐姐！不知怎樣說，總覺得有哥哥在身邊，姐姐就會很幸福！所以我和寶你這一生同樣得到哥哥的愛錫，實是最大的福份！

2007 年 1 月 9 日 5:33 pm

polly&Tin Yau Hi! Ah PO有時覺得我係道留言唔係好健康,but我知道掛念真係好痛苦.為有當你移佐民同你做筆友.take care !!!!!

2007 年 1 月 8 日 3:12 pm

哥哥寶頭：
噓！好凍呀，唔知你在彩虹橋凍唔凍呢？姐姐佢就怕凍到返工着到成隻糭咁。喂，寶頭不如今晚番嚟'娟'入被裡面暖吓姐姐佢吖。
想你！

2007 年 1 月 6 日 4:06 pm

vickymandy 寶頭，
姐姐真係肥咗好多，重咗好多，好唔開心，好"忟憎"！攪到你哋包括爸爸，媽咪，哥哥同寶你好擔心我有情緒病，好對唔住！寶你要幫姐姐打氣，唔好比姐姐再咁自暴自棄，常吃不停！知道嘛！

2007 年 1 月 5 日 10:45 am

apple&ven 寶寶;零七年啦!祝你快快樂樂,生生猛猛,在彩虹橋上開心生活!要好好看顧哥哥姐姐^^^^係呢到講句新年快樂!oh oh oh haPPy New YeaR@!!!!!

2007 年 1 月 2 日 1:31 pm

哥哥寶頭托我响度祝願各位錫佢、想佢嘅哥哥姐姐在新一年有好的開始、身體健康、開開心心、工作愉快！在往後嘅日子都要繼續錫佢呀。
姐姐，寶頭話祝你身段fit到漏、越來越靚喎，當然最重要開開心心啦！

2007 年 1 月 1 日 4:02 pm

哥哥寶頭：
2007年囉喎，哥哥願你在彩虹橋健康、開心、滿有活力地生活。
尋晚姐姐同我响Raymond哥度食除夕大餐，有牛排、又有龍蝦幾豐富，無得頂。所以呢你絕對唔使擔心我地，我會好好咁照顧姐姐，開開心心咁生活，你只要响天國度守護住我地就得啦！
想你！

2007 年 1 月 1 日 3:44 pm

哥哥&姐姐 5..4..3..2..1！
寶珠！
新年快樂！
我哋三個一條心，永遠開開心心生活！

2006 年 12 月 31 日 4:13 pm

vickymandy 寶頭，
哥哥今日腳痛，姐姐自己去跑步，好彩有你陪住姐姐！所以唔覺得寂寞！每當經過那些小石柱，那些你最喜歡停下來聞餐飽的地方，腦海自然浮現你儍乎乎、甜美又可愛的模樣，既不捨又懷念！

2006 年 12 月 29 日 2:38 pm

SzeWai 寶：
你好嗎？就快07年，祝你新年快樂呀！
寶，雖然同你一齊生活o既時間唔夠姐姐哥哥多，而且又冇咁幸福，不過都話晒同你一齊生活左5年多喇！以前成日一個人，都係得你一個陪我。有時諗起你，都會好掛住。
寶呀，真係好羨慕你。記得以前一有咩事，你總係第一個最快躲o係檯底，咩都唔使理，又冇咩負擔。而且你自己咩都玩得一餐。如果人都可以好似你咁簡單，就好喇！
寶，你而家點呀？你比較獨立，而且有好多人錫你，你一定要生活得好好、生生猛呀！

2006 年 12 月 29 日 2:00 pm

vickymandy 小寶，
今日姐姐又同哥哥去咗跑步，佢今日叻咗，跑遠咗，梗係你陪住哥哥跑，所以佢勁咗咁多！不過哥哥好似扭親隻脚，你快啲祝福佢快啲好番，唔係我哋三個點一齊跑步呀？

2006 年 12 月 28 日 3:20 pm

vickymandy 寶貝，
哥哥頭先都話咗你知我哋噚日去咗跑步，但係佢冇講佢啲瘀嘢比你聽，佢輸比姐姐好多好多條街，跑咗一陣就索晒氣，今日又勁嗌腰痠腿疼，好冇用呀！如果寶你同我哋一齊跑，你一定勁過哥哥，佢一定包尾啦！哈！哈！哈！算啦！算啦！我哋唔好笑佢喇！話晒哥哥都係"爆肺仔"一名，係差啲嫁喇！我哋今晚靜雞雞喺被窩裡笑佢算啦！

2006 年 12 月 27 日 4:11 pm

polly&Tin Yau 亞寶遲少少同你講聲聖誕快樂 !!! Sorry! 記住開開心心生活 .

2006 年 12 月 27 日 3:53 pm

哥哥寶頭：
尋日同姐姐去咗以前成日同你散步嘅城門河跑步，今日起身週身骨痛、成個人散晒，都唔明點解你咁勁可以成日跑來跑去，無時停。
慘啦，姐姐話後日再跑過，點算！寶頭，你要陪我跑同就住我呀！
想你！

2006 年 12 月 27 日 3:50 pm

vickymandy 寶珠，
原本想畫個心心包住"聖誕快樂"送給你，點知失敗咗！唔緊要啦！姐姐用最真摯的愛心同你講"聖誕快樂"，以後都要幸福開心健康地在彩虹橋生活，咁就係對哥哥姐姐最好的祝福！

2006 年 12 月 24 日 5:43 pm

vickymandy .+'''+.+'''+.
+ 寶！聖 +
'+ 誕快 +'
'+ 樂 +'
"+.+"

2006 年 12 月 24 日 5:35 pm

哥哥寶頭：
Merry Christmas !聖誕節快樂！願你在主懷內永享健康、快樂！如果有時間幫我實姐姐叫佢開心Ｄ呀，儍寶。重有保佑我身邊所有人健康，ＯＫ？
想你！

2006 年 12 月 24 日 4:28 pm

哥哥寶頭：
哥哥同姐姐第一次過無你响身邊的聖誕，不過我知你仍然活响我地心裡面。今晚留番個位比你，因為我地三位一體家嗎！
祝你聖誕快樂！
想你！

2006 年 12 月 24 日 3:24 am

jessie Bobo,Merry Christmas^~^!

2006 年 12 月 23 日 7:16 pm

哥哥寶頭：
不經不覺你唔响我哋身邊成四個月咁耐，時間過得好快，但係姐姐同我對你嘅思念一點都無退減，某程度上只可以話我哋比較適應咗沒有你的日子，以往一齊生活嘅片段仍不時响我地腦海浮現，想你！

2006 年 12 月 23 日 3:50 pm

哥哥：寶頭：

2006 年 12 月 23 日 3:34 pm

vickymandy 寶呀，
姐姐噚晚發夢同哥哥嗌交後，返到屋企攬住你喊呀！可以再見你真係好開心！如果晚晚都可以見到你就好喇！你唔怕姐姐煩，不如晚晚都嚟探下姐姐吖！好嘛？

2006 年 12 月 23 日 1:42 pm

vickymandy 寶珠，

嚇死姐姐，頭先個密碼block咗，以為上唔到嚟同你傾計，好彩比哥哥攪番掂！呢個大喊十姐姐有時真係攪到你哥哥好頭痛！

我身邊許多姐姐都叫我再養一隻狗兒，來幫我忘記悲傷，但你姐姐我就是不想忘記你，要你是姐姐心中最痛錫的寶兒！

2006 年 12 月 20 日 4:55 pm

哥哥寶頭：
終於裝返個手寫板，又可以同你傾計。幾日無留言，有無掛住我同姐姐先？呢幾日好凍，小心冷親呀。想你！

2006 年 12 月 18 日 1:02 pm

vickymandy 寶珠，

哥哥裝唔到蒙恬，宜家喺媽咪度先可以上嚟同你傾吓計！

聽日姐姐生日，哥哥同姐姐會去廸士尼玩，帶埋你一齊去吖！
呢十個年頭姐咀嘅生日，都有哥哥同寶你陪伴在側。今年的生日，缺少了我最愛的寶兒，有份莫名的寂寞！好掛住你呀！不如今晚喺姐姐夢中嚟探探姐姐，咁就係姐姐最珍貴嘅生日禮物！

2006 年 12 月 15 日 1:25 pm

哥哥寶頭：
想你！！

2006 年 12 月 14 日 2:29 pm

apple&ven 寶寶;有冇感受少少寒呢!你有冇箸住件蜜蜂仔呀!係呢到成日聽到大家甘叫你箸;然後我再睇你Ｄ相;揾到張蜜蜂衫嘅相,確係<英>呀;仲好攪笑呀!你同姐姐講下,甘凍唔好減肥啦;身體唔好點見你;學哥哥話齊;最緊要哥哥鍾意嗎?你話係咪.我早排又學人減肥,嗰隻セ鬼西柚餐,係work,不過一星期就暈暈地,唔敢啦;比ven哥知又罵啦!所以叫姐姐咪整襯自己.健康才是財富.

2006 年 12 月 13 日 11:11 am

哥哥寶頭：
Apple姐姐、Ven哥同俊仔佢地咁錫你，記住响彩虹橋度保佑佢地全家都開開心心同祝佢地聖誕及新年快樂呀，知無！
重有同姐姐講肥咗小小唔緊要啦，身體健康先最重要家嗎，哥哥鍾意咪得囉。
唔知點解今日我好掛住你，有無都掛住哥哥姐姐先？想你！

2006 年 12 月 9 日 3:53 pm

vickymandy Bobo子，
慘慘喇！姐姐越嚟越肥，唔願做運動之餘，仲成日食好多朱古力，將來肥到成個大肥婆去彩虹橋找你，你唔認得我，咁點算？

2006 年 12 月 9 日 11:19 am

apple&ven 寶寶;Hihi.你好嗎?好耐冇見你呀!好掛住你呀,有冇唔記得我呀,早輪個電腦中毒壞咗,激死我,冇得用又冇得睇你,同你傾計啱啱好番我第一時間就揾你啦,係咪好開心呢!就到聖誕啦!你想送セ比姐姐哥哥呀,不如見見面吧!佢地一定好開心,你話係咪.你快Ｄ同彩虹橋講聲;聖誕節嘅日孑唔好甘凍,你知姐姐怕凍,你幫手講一聲就唔怕凍襯姐姐啦?等佢過一個暖竺竺嘅X"Mas好嗎?啦;我都送一份聖誕禮物比你,就係[聖誕快樂]啦......哈哈哈‧....係咪好物輕情義重呢!記得穿多件衫咪凍襯,寶寶係No1一定可以照顧自己嘅,叻仔.

2006 年 12 月 9 日 10:19 am

哥哥寶仔：
我今日終於裝飾好棵聖誕樹，用咗好多時間同心機去整，係咪好靚好閃呢。希望你响天國可以同姐姐哥哥一齊分享呢棵咁靚嘅聖誕樹。想你！

2006 年 12 月 8 日 12:04 pm

vickymandy 寶珠，
就快聖誕喇！你就犀利啦！自己有一棵聖誕樹，靚唔靚呀？有聖誕歌仔聽之餘，仲有藍色閃燈！寶仔你鍾唔鍾意呀！哥哥佢幾衰，佢話棵樹的閃下閃下嘅藍燈，好似警車嘅閃燈，佢話Hello Kitty棵樹啲紅燈靚啲喎！我就覺得籃燈聖誕樹好靚！而且你男仔嚟嫁嘛！無理由買棵Hello Kitty聖誕樹比你家嘛！你話啱唔啱？

2006 年 12 月 6 日 3:23 pm

Kan 近來天氣涼了, 想到著住bee衫既bobo, wei,唔好冷病呀!aiya, 姐姐話要收我板權費,姐姐咁錫你, 不如你幫我求下佢啦!(^0^)

2006 年 12 月 5 日 3:10 am

哥哥寶頭：
呢排天氣凉咗好多，覺得凍就着番件蜜蜂衫仔，唔好冷親呀，知嗎。想你！

2006 年 12 月 4 日 12:38 pm

哥哥寶頭:
尋晚同姐姐去咗尖沙咀睇聖誕艦燈飾，唔知點解都感受到Ｄ氣氛，唔係好想去Ｄ多人嘅地方，剩係寧願好似以前咁係屋企對住你好過。想你！

2006 年 12 月 1 日 6:13 pm

vickymandy Bobo子，
哥哥頭先話我留底好多眼淚跡喺佢電腦書枱上，佢成日都幫我抹！我諗喺你離開我哋以後，我大大話話都流過一公升眼淚，姐姐真係名乎其實嘅無用"超級大喊包"！

2006 年 11 月 30 日 3:12 pm

jessie Bobo雖然離開人間，但我相信你們對他的思念他會收到的；傷痛是很難度過，但我每天也會探望我的女兒。祝願寶寶在天國快快樂樂，做個快樂小天使^~^！

2006 年 11 月 29 日 9:52 am

vickymandy 寶珠，
肥仔丘哥哥叫我唔好成日上嚟探你，佢認為咁樣唔係咁健康，會勾起我哋嘅傷痛。但我同哥哥都覺得這裡是跟你保持聯繫的唯一途徑，我們又怎捨得不上來探望你呢！係咪？

2006 年 11 月 28 日 2:41 pm

vickymandy 小寶，
姐姐同哥哥今日去咗行山，行屋企後面嗰個山呀！以前都同你去過後山個公園玩，但行到咁遠同埋行啲咁崎嶇嘅山路，係住咗喺度十二年來第一次這樣行，嗰度好多駝地，而且都好似幾惡！如果帶埋你去，你實嚇到要我哋抱抱都得喇！
姐姐有時走在哥哥前面，行得好快，就停下來回頭望下哥哥，望到哥哥又繼續向前行唔等哥哥！覺唔覺得呢個畫面好熟面口呢？梗係啦！姐姐已和你合二為一嘛！嗰時帶你去城門河畔行街街時，一把你條繩繩放咗後，你就飛快走在我們前面，行到咁上下，你就回頭望下我哋，我哋喺你視線範圍內，你就安心繼續向前行！呢一幕仍然深刻印在我們心內，永不磨滅！

2006 年 11 月 26 日 4:36 pm

哥哥寶呀:
哥哥同姐姐片今日為咗食元氣呆等個半鐘，以前邊有咁多時間，快Ｄ食完快Ｄ返嚟睇你就有。不過我寧願好似以前咁趕，起碼返到屋企見到你。想你！

2006 年 11 月 26 日 1:49 pm

哥哥寶寶：
自你離開３個月就掛足３個月。放心，我同姐姐從未忘記過你。想你！

2006 年 11 月 23 日 12:24 pm

vickymandy 小寶，

三個月喇！你喺天國已經住咗三個月喇！習惯你嘅新生活未呀？姐姐哥哥時時刻刻仍然好掛念你！

姐姐都知道如果我們再養另一個寶貝，一定能減輕我們的傷痛。雖然不至於忘記你，但那寶貝一定會慢慢取替你在我們心中的地位。姐姐内心的位子只reserve for我至痛錫的Bobo子，所以我也不願去接受新的寶貝！

2006 年 11 月 23 日 11:20 am

天佑&Polly 呀!BoBo你好靚仔同你姐姐一樣.個日你姐姐先至比網址我,噤遲先探你.sorry!!!幫我鬧你姐.哈哈!!足足睇半鐘留言,你哥哥姐姐真係好愛好愛好愛........你.我倆公婆睇完都好感動.我一定會好好珍惜現在.希望你生活愉快!呀!再提你叫你姐姐開心D啦!take care OK!

2006 年 11 月 22 日 4:28 pm

vickymandy 寶珠，
今日哥哥病咗，傷風流鼻水。你要睇實哥哥，叫佢快啲好番，唔係傳染咗比姐姐，哥哥就比自己病更大煲！因為姐姐如果病咗，加埋寶珠你和我合二為一嘅威力，真係非一般人能頂得住！好彩你哥哥有這個能耐咋！

2006 年 11 月 20 日 3:48 pm

vickymandy 寶珠，

姐姐日日都有睇你個slideshow，哥哥話佢唔敢睇，因為佢每次睇親都會喊。今日要佢整理你啲相片，佢實喊咗一大餐喇！

姐姐啱啱放工回來看你本相簿時，眼淚也不其然一滴一滴地掉下來。好想好想再能見到你精靈活潑又頑皮的模樣，但想起病榻中的你時，心又痛起來！想起永遠不能再見你，真的好唔捨得，好唔捨得，內心嘅茅盾，唔知點形容，只覺得一陣又一陣嘅痛！
寶呀！對於姐姐哥哥嚟講，適應没有你在身邊的生活，絕非一件容易的事！

2006 年 11 月 19 日 6:23 pm

哥哥寶頭：
尋晚半夜突然諗起你初初嚟我哋屋企個樣及成日係度攪破壞嘅情景，以及陪伴我哋身邊嘅日子，真係令我十分感慨。雖然分開差不多三個月，仍然好唔習惯無你响身邊。願你在天國健康開心過活，想你！

2006 年 11 月 19 日 6:52 am

vickymandy 寶頭，

"Bobo, attack!"嗰晚哥哥突然這樣說。
好懷念！嗰陣時你同哥哥成日夾埋嚟蝦我，哥哥一叫你attack，你就裝兇作勢咁吠姐姐。相反姐姐叫你attack，你就睬我都傻！你一向都偏心哥哥嫁啦！雖然係咁，你都係姐姐至痛錫嘅寶貝！我諗雖然哥哥喺你心中佔第一位，但我呢個麻煩嘅姐姐都應該排第二嘅，係咪？

2006 年 11 月 18 日 10:03 am

哥哥寶呀:
呢排點呀你？有無番嚟探我哋先？好掛住你！有無响天國度剩係週圍聞，唔記得我哋先？講笑喳，儍寶。

2006 年 11 月 17 日 1:08 pm

哥哥寶呀:
雖然哥哥好少响度寫嘢，不過我每日都會嚟呢度睇吓你。我知你唔會怪我嘅，係咪？因為你係活响我個心裡面家嗎！你知我有幾掛住你格。想你！

2006 年 11 月 14 日 12:37 pm

vickymandy 寶呀，
見唔見到呀？妹妹結婚果日好靚呀！那天Raymond哥哥對妹妹那份真摯的愛意，連我呢個旁人也感覺到，佢仲話要向你哥哥學習！相信妹妹一定會好幸福！

以前哥哥姐姐出門旅行，妹妹都過嚟我哋屋企過夜幫我湊你個儍珠。其實，妹妹都好錫你，只不過她把情感藏於心内，不似你姐姐咁"大喊十"，她比姐姐堅強，我反而應向我呢個細我六年嘅妹妹學習！你呢個小天使要守護妹妹，讓她永遠幸福快樂，知道嘛？

2006 年 11 月 13 日 1:22 pm

apple&ven 寶寶：你知道嗎？前日姐姐個妹妹結婚，我都有去，姐姐同妹妹好靚呀；仲有姐姐嘅爸爸媽媽都好靚，成個氣氛好好，好幸福。你都要保佑妹妹個家庭快快樂樂，恩恩愛愛，永遠幸福。之後我仲見到姐姐好靚，我話你知呀，姐姐穿左一係紫色裙，好襯佢架，你見到一定開心到搖頭擺尾。你梗係返左去探姐姐哥哥呢？姐姐個樣充滿幹勁，神采飛揚，仲好開心呀？我都感覺到姐姐既開心，真係好嘅開始，所以你要繼續支持姐姐哥哥呀。咖油。

2006 年 11 月 13 日 11:28 am

vickymandy 寶頭，

妹妹明日結婚！大家都好忙，哥哥忙緊抹車，姐姐啱啱忙完準備聽日玩Raymond哥哥嘅道具，爸爸呢就忙佈置屋企，媽咪除咗執屋外，仲要去set頭，至於妹妹同Raymond哥哥就梗係忙上加忙啦！

作為我們屋企一份子的你，你要祝福妹妹同Raymond哥哥永遠幸福快樂，sweet sweet渡過每一天！

寶呀！你噚晚係咪返過嚟呀？我聽到厨房有啲聲，雖然見唔到你，但嗰一刻覺得你就在我身邊。或者呢啲係我太掛念你嘅錯覺啦！你已回到天父那裡，過着美滿的生活，又點可能再回來！係咪？

2006 年 11 月 10 日 11:44 am

vickymandy Bobo子，

妹妹後日結婚，姐姐整咗靚靚gel甲準備出席婚宴，點呀？寶珠！係咪好靚呢？其實姐姐一直也很喜歡gel甲打扮，但太貴喇！一直都唔捨得，如果唔係妹妹結婚，姐姐未必會整！

整完出嚟姐姐都好滿意，好開心！今次算係你離開我哋之後，姐姐最能提起勁扮靚的一次！放心啦！姐姐會漸漸回復以前嘅貪靚本色，做番一個開心快樂人！你都要喺天國做個開心快樂小天使呀！知道嘛？

2006 年 11 月 9 日 2:42 pm

vickymandy 寶貝，
幅十字繡，男天使已完成，女天使還欠頭髮部份就OK喇！你鐘意黐哥哥多啲嘛！咪先完成個男天使先囉！但係都仲欠啲花花同雲雲未繡！姐姐會繼續努力，做幅最完美嘅守護天使十字繡，送給我最痛錫嘅Bobo子！

2006 年 11 月 8 日 2:23 pm

apple&ven 寶寶：好凍呀！你有冇覺得凍，有冇叫姐姐哥哥着多件衫，你都係，咪凍襯。係呀，諗諗下哥哥又講得啱你未見過我，不過你放心我個樣唔嚇人，ok架！你仲記得Ｖｅｎ哥哥嗰樣嗎？佢成日同我講你好得意，佢好鍾意你呀！不過個時爺爺唔比養，所以到現在佢都想養一隻，但係唔好啦；好老實，跟住我哋一定冇你甘幸福，我而家成日都唔夠時間連自己Ｄ嘢都唔得閒滈；我甘講係咪好不負責任呢！其實我冇姐姐哥哥甘有愛心，仲有我都好易喊，我好怕離開嗰殺那。最近我知道我以前養白色隻ＢＢ狗，屈到隻手，當時我都好唔開心，仲好掛住佢，好想即刻帶佢番嚟，但佢都好老啦！都有七年幾八年，甘我又驚，所以算啦！或者佢現在開心Ｄ呢！其實有時上呢到揾下你都幾好，又可以睇下你點cute，幾好呀！有冇探姐姐哥哥，有冇比力量呀，要好多好多好多先夠姐姐用，知唔知。

2006 年 11 月 8 日 10:58 am

vickymandy 寶珠，
肥仔丘哥哥專誠喺北海道買咗個狗仔音樂座比你，係"千與千尋"嘅音樂，係咪好靚呢？你就好啦！有守信收，姐姐都冇呀！佢話買咗個同一款式嘅比"仔仔"，不過就唔同音樂，你可以同"仔仔"交換嚟聽喇！

2006 年 11 月 4 日 4:00 pm

哥哥寶仔：
今日同姐姐去咗西貢散步見到好多好多狗仔，雖然佢地都幾靚仔，但無隻夠你靚囉！你知啦係姐姐同我眼中你係最型、英、正、靚、帥嘅寶頭，所以佢地邊夠你嚟先得架！
喂，妹妹下個星期六就結婚啦，可惜你唔响我哋身邊一齊見証個婚禮。不過你响天國要保佑佢地百年好合、互諒互愛，知嗎？
得閒咪返嚟探吓姐姐同我囉，等我哋唔使咁咁掛住你丫嗎！

2006 年 11 月 4 日 2:58 pm

vickymandy 寶呀，
哥哥頭先喺媽咪度抱住"朱朱"，同"朱朱"講嘢嘅神情同語氣，十足十以往同你講嘢咁樣，哥哥一定當咗"朱朱"係你喇！一時感觸，姐姐又眼紅紅起來！寶珠！好掛住你呀！天氣涼喇！你同姐姐一樣咁怕凍！冇咗哥哥姐姐喺你身邊，你要好好照顧自己！你可借着哥哥姐姐温暖的心為你取暖，我哋會永遠係你嘅守護天使！

2006 年 11 月 3 日 4:06 pm

vickymandy 寶呀，
幣喇！姐姐呢幾日又病發，點算呀？學似Apple姐姐話齋，你要比力量姐姐呀！知道嘛？

2006 年 11 月 2 日 9:36 am

哥哥寶頭:
今日Apple姐姐嚟探你呀，其實你都未見過佢。不過唔打緊啦，又多個人錫你咯。
我用你D相整咗個手機主題自己用，老實講就整得麻麻地，起碼全部都你D相吔，等我有時間再整多個比姐姐用。

2006 年 10 月 31 日 2:39 pm

apple&ven 寶寶！hihi你好嗎？好掛住你呀！你有冇探姐姐哥哥呢？你就好啦！姐姐繡十字繡比你，你睇下姐姐幾辛苦，不過都值得，你甘可愛。所以要努力好好照顧自己，仲有十一月啦開始凉，要著衫，唔好凍襯，如果唔係姐姐哥哥會擔心，知道嗎？仲有今日萬聖節，祝你萬聖節快樂：千祈咪扮到鬼鬼甘探姐姐哥哥呀！I Miss You！

2006 年 10 月 31 日 8:51 am

vickymandy 寶呀，
姐姐好黑仔呀！今日第一日喺V-Hall Acting就要留後，成點半先返到嚟！點知你個儍哥哥仲未瞓，仲整定蒟弱比姐姐做宵夜，又download埋"肥田喜事"比姐姐睇，雖然我好眼瞓，但冇理由白費哥哥心機，點都頂住眼瞓睇埋"肥田"先瞓啦！

2006 年 10 月 30 日 6:26 pm

哥哥寶仔：
姐姐話佢有時唔知同你講乜好，其實又使乜咁介懷吖，因為你係活响姐姐同我個心裡面家嗎，係咪咁講先。所以我哋個心諗乜嘢、做緊乜嘢，你都一清二楚架啦！而且想講乜咪講乜囉，有乜所謂喎！
寶呀，哥哥百無聊賴咁就放咗３日假，日子真你過得好快好快。
想您！

2006 年 10 月 30 日 7:45 am

vickymandy 寶珠，

姐姐攞咗件Bobo Jacket番嚟喇！係咪着得姐姐好型呢？Bobo子 + 姐姐喎！梗係靚爆啦！

姐姐將你嗰兩個造型send咗比好多姐姐哥哥睇，佢哋都話你好cute，Kan姐姐仲用你個天使look嚟做佢PC嘅wallpaper！等我收番佢版權費至得！

哥哥應該用唔到你個天使look做T-shirt，因為好似女裝咁款，佢會揀個另外兩款design，寶呀，你仲意乜嘢look呀？今晚喺姐姐或哥哥夢中話過我哋知吖！

2006 年 10 月 28 日 12:41 pm

哥哥寶寶：
姐姐叫我同你講聲佢因為整咗成日十字繡好累，而且又要番早，所以唔夠時間睇你。唉！寶呀，姐姐佢仲未肯放低你，成日都唔開心，仲有時影響咗屋企人添。你得閒返嚟同我話話佢，等佢知道整到自己咁辛苦並唔係一個對大家好嘅愛你方法。知道嗎！
傻寶，天氣開始涼啦，凍就着番件蜜蜂衫仔，唔好泠親，傻寶。

2006 年 10 月 27 日 5:12 pm

vickymandy 寶呀，
文輝哥哥介紹咗本書叫"再見寵兒"比哥哥，我噚日買咗喇！未正式開始睇，唔知本書幫唔幫到你呢個冇用嘅姐姐呢？寶呀你要幫姐姐打氣呀！知道嘛？

2006 年 10 月 26 日 3:34 pm

vickymandy 臭寶頭，
姐姐揾人用你嘅嘜頭做咗兩個design，一個係你揸巴士嘅design，另一個係你宜家喺天國那天使模樣嘅design，用作做姐姐一件外套嘅主題。但係兩個design只能二選一，哥哥同我揀了那個巴士design，因好似得意啲豐富啲！哥哥話佢會用你嗰個天使look做件T-shirt比自己！你個slideshow都可以睇到呢兩個design，你鐘唔鐘意呀？

2006 年 10 月 25 日 3:46 pm

vickymandy 寶寶，
姐姐咁鍚你，你點可以咁大細超，淨係探思慧同哥哥！最多姐姐乖乖地，宜家上床瞓覺啦！今晚見！Have a sweet dream！

2006 年 10 月 24 日 4:23 pm

SzeWai 阿寶，我前晚夢見你呀！見到你早上o係我床邊開開心心咁搖頭擺尾。
我諗呢d片段，哥哥姐姐應該會諗得比我更加多。而你都一定唔會忘記！
阿寶，我地都好掛住你。大家都咁錫你，你係咪好開心呢？
我知道你一向都特別有「人性」，Mandy姐姐而家仍然好唔開心呀，知道你都一定會好擔心姐姐呢，你快D叫佢開心返啦！

2006 年 10 月 24 日 2:13 pm

apple&ven 寶寶﹕我噚晚明明寫左段嘢比你,竟然唔見左,奇怪！我想話姐姐真係好提唔起勁,應該點呢!我見到都好心痛.我都唔知點安慰好,我話前晚我係俊＇彥訓左覺時,係佢耳邊講乖Ｄ啦!點知佢[嗯]一聲,你都試下,夜晚係姐姐耳邊講Ｄ說話比佢聽叫佢努力.叫佢開心Ｄ.叫佢健康Ｄ叫佢扮靚Ｄ.寶呀!你都一樣要努力生活得好好地,我地會幫你支持姐姐哥哥架!唔使擔心!干爸爹.嘻:

2006 年 10 月 24 日 9:22 am

apple&ven 寶寶﹕我噚晚明明寫左段嘢比你,竟然唔見左,奇怪！我想話姐姐真係好提唔起勁,應該點呢!我見到都好心痛.我都唔知點安慰好,我話前晚我係俊＇彥訓左覺時,係佢耳邊講乖Ｄ啦!點知佢[嗯]一聲,你都試下,夜晚係姐姐耳邊講Ｄ說話比佢聽叫佢努力.叫佢開心Ｄ.叫佢健康Ｄ叫佢扮靚Ｄ.寶呀!你都一樣要努力生活得好好地,我地會幫你支持姐姐哥哥架!唔使擔心!干爸爹.嘻:

2006 年 10 月 24 日 9:22 am

哥哥寶：
唔經唔覺咁就離開咗我同姐姐兩個月，點呀你？响彩虹橋度OK嗎？有否掛住我地呢？不過我就好正面地咁去掛住你！
姐姐佢就廢柴啦，係都唔肯放開自已，以為咁就代表好錫你。實情你見到佢咁嘅樣你都唔開心啦，你快D叫姐姐振作D、開心D，咁大家先放心家嗎。

2006 年 10 月 23 日 11:40 am

vickymandy 寶呀，

你離開咗哥哥姐姐兩個月喇！說真心話，姐姐到宜家仍未能夠放得底！好似做每樣嘢都提唔起勁，咁貪靚嘅姐姐完全對行街買衫扮靚都提唔起興趣。

就連瑩瑩姐姐今日都話姐姐呢排好唔掂檔，成日眼腫腫，唔靚女喇！她鼓勵姐姐要振作，她說我開心，寶寶你喺天國就會開心！姐姐明白呢個道理，但係寶你知嘛？作為姐姐心肝寶貝的你，實在佔着姐姐生命中非常重要的位置，豈可輕易放底！

掛念你的姐姐

2006 年 10 月 23 日 9:30 am

vickymandy 寶貝，

今日同哥哥去咗城門河畔，嗰度你去過無數無數咁多次，帶比哥哥姐姐許多許多的回憶.....

你行路時個pat pat好得意咁扭下扭下，
行到咁上吓，你隻前手好多時都大蕃薯咁向前跌一跌，
行累了，就好似小朋友扭計咁，乳猪仔咁撻吓地上，要我們抱抱，
姐姐拖你落樓梯時，你"Ba Ba"聲冲落去，姐姐差點比你拉跌，
一次草叢內有隻貓貓，姐姐同你儍更更没有擦覺，你仲喺隻貓貓附近周圍聞，嚇到隻貓貓撲出來爪你，好彩爪唔到，但姐姐被嚇到半死，但你個儍寶儍頭儍腦咁好似冇事發生咁，繼續周圍八卦，周圍聞.....

許多許多你的片段，依然瀝瀝在目！

2006 年 10 月 22 日 1:24 pm

vickymandy 寶頭，
哥哥話噚晚你去探他，在他夢中你不停地舔他的臉，寶呀，姐姐都好想見你呀！我哋不如勾手指尾吖！應承我，今晚比我喺夢中見下你，可以嘛？

2006 年 10 月 21 日 5:21 pm

vickymandy 寶珠，
姐姐怕你啲毛毛"吉"到眼眼，一見你面啲毛毛"褸褸丘丘"，就搖身一變成為寶寶御用髮型師，頭頂齊葺葺，兩隻耳仔齊葺葺，咀仔兩旁齊葺葺，次次幫你剪完新髮型，成個清爽晒，又得意，成個"八両金"咁樣，所以你就有個外號叫"八両寶"！

2006 年 10 月 20 日 9:41 am

apple&ven 寶寶！唔講唔覺得，有Ｄ嘢真係與生俱來;我昨晚教到冇氣，所以我怕控制悟到自己會打俊仔'入房喊'一陣俊彥聽到入嚟攞紙巾幫我抹眼淚,當時真係感受到十月懷胎嘅辛苦,佢好似突然開竅甘啦!一定係你保佑,所以俊彥甘乖,我知我會比心機努力,佢係我既寶貝,，就等於你係哥哥同姐姐心中永遠份量不變,所以在彩虹橋上看著姐姐哥哥的你,你快Ｄ告訴他們你很好,活得很快樂,不用太擔心.若你倆活得不夠我快活,只怕我更傷心難過,所以你倆要咖油!唔好搞到我追唔到女仔先得嗎?係咪先!

2006 年 10 月 19 日 10:02 am

Kan 阿寶,

今晚Kan姐姐,飛娜姐姐&卓敏姐姐約左姐姐去街,唔洗擔心wor,一起傾下食下, 開心時間很快就過! 雖然我們不是時常見面,但都很關心你姐姐的! 作為姐姐既好朋友們,一定會無限量支持她的,阿寶,你呢? 如果你支持姐姐的話,你就只可以帶比佢歡樂,知嘛?!

2006 年 10 月 19 日 8:29 am

寶寶姐姐你呢排好似唔多掂當咁！你使乜驚呀，我咪講咗雖然我唔係你身邊，但係我活係你個心裡面家嗎，咁你又點會唔記得我先，你肯我都唔濟啦！記住開心Ｄ，我先開心架！
Apple姐姐其實唔係俊仔讀書，而係你同佢一齊讀。係要比好多好多耐性嫁，你知俊仔有幾大呀，邊有大人咁專注喎。Apple姐姐你知唔知以前哥哥同姐姐付出幾多無比嘅耐性同愛心去照顧我，我先有咁健康同靚仔。所以你千其唔好咁易氣磊呀，努力加油！最多我幫你咬亞俊仔個屁股仔，如果佢仲咁唔聽話嘅話！
總知Apple姐姐、俊仔、Ven哥、姐姐你呀、哥哥、我Bobo同全家都一齊努力、奸爸爹！

2006 年 10 月 18 日 3:21 pm

apple&ven 寶寶﹔好耐唔見!你好嗎?我都好掛住你'你有冇開心同唔開心嘅事同我分享呀!我睇到姐姐話怕淡忘你'不過係冇可能既事'因為你既地位冇人能比,[除左哥哥]係咪先?寶呀!麻煩你比Ｄ力量我'俊仔好多功課及默書'昨天默書唔及格我好唔開心;所以我打佢'因為我好嬲'温左好多日'明明係屋企都識'一早又温'甘辛苦為乜'最嬲佢好似唔覺係セ甘'冇所謂'我一早都晚都盡心盡力'但竟然得出結果係甘;我好冇用,好心痛,好多壓力,寶呀!你賜Ｄ力量比我同俊彥,努力呀!多謝你比我發嘮穌,我現在舒服好多啦!你都要好好生活過得開心呀/

2006 年 10 月 18 日 9:29 am

vickymandy 臭寶頭，
姐姐頭先跳完舞返屋企開咗鐵閘後，準備開大門時，好似隱約聽到你行出來歡迎我嘅腳步聲咁，姐姐真係仲好掛住你呀！記得嗰時帶你去Angel姐姐度剪完甲甲返嚟，你行路就冇聲，姐姐仲成日笑妳"寶寶！你鬼鬼祟祟食蕃薯咩！行路冇聲嘅！"但一個星期左右，你啲甲甲生番長咗，又再"啲啲咑咑"咁行路！

2006 年 10 月 18 日 8:25 am

vickymandy 寶珠，
你呀嗰時一定等齊哥哥姐姐返晒嚟先入房瞓覺！好似哥哥夜返，姐姐先瞓，你就會獨個兒在廳等哥哥，但哥哥一返嚟，你就好雀躍咁跳上床踩來踩去，搖晒尾咁歡迎哥哥，你個儍仔固意整醒姐姐，每次就像要話比我聽"姐姐！哥哥返嚟喇！仲瞓？"可惜你姐姐我呢個大"難"瞓朱，比你嘈醒唔夠三秒又瞓番着啦！儍仔！

2006 年 10 月 17 日 2:09 pm

vickymandy 寶呀，
到宜家都係習惯一回家就換番啲屋宜着嘅衫，即使過一會要再外出也會換衫先！係因為寶寶你呀！如果嗰時我哋返屋企唔換衫，你就好醒咁以為我哋會帶你去街街，好緊張咁左騰右騰，"鶯鶯"叫，催促我哋帶你去街街！就算真係帶你去街街，都要臨出門口先敢換衫，唔係你嘅叫聲嘈到隔離屋就唔好啦！你始終都係非法住客嘛！儍寶！

2006 年 10 月 16 日 9:51 am

vickymandy 小寶，
姐姐同哥哥睇緊"美男厨房"，好好笑！姐姐都係美女厨神嚟嫁！嗰時整過好多蛋糕面餅，你都有份試食，係咪好 yummy yummy呢？

2006 年 10 月 15 日 2:21 pm

Miss Lai 或者是時候把懷念BoBo的一份情埋於心裡，藏於心中不代表忘記他，但每日的思念和祝福是否會在每日都勾起你們二人的傷感。或者隔一段時間再送上祝福，也讓BoBo在另一個地方適應他的新生活。好好保重身體！

2006 年 10 月 15 日 7:02 am

vickymandy 寶呀，

你記得嘛？你有張私家導演椅喺媽咪度，仲記得有一次，喺媽咪度食飯離開時，爸爸媽咪為方便哥哥姐姐在大門口穿回我們的鞋子，他們倆一起把你連那張導演椅推往門口等我們，你成個大少爺咁瞓喺張椅度！簡直萬千寵愛在一身！當時心裡一份暖意，我至錫的寶寶除了我跟哥哥還給他無盡的"父母之愛"，還有公公婆婆的痛錫，使姐姐很安慰！

爸爸，媽咪，同埋哥哥都咁愛錫你，你都要祝福他們永遠健康幸福，知道嘛！乖寶！

2006 年 10 月 14 日 3:34 pm

Roger Hello Mandy,
Bobo子離開了雖然令人傷感,但對他來說未常不是好的,因為他不再需要給病魔纏擾著.Bobo 子可能仍在你們身邊,只是你們不知道...

2006 年 10 月 14 日 2:51 pm

哥哥寶寶：
姐姐話佢好驚會對你淡忘，其實佢使乜驚吔，可能日子耐咗而對你嘅小節會D唔記得，咁又有乜關係呢，只要亞寶你活係我哋心裡面咪得囉！
亞KEN姐姐問你萬聖節會唔會去威，但亞寶你咁俊俏，點扮都嚇唔到狗啦，溝死女就有份。

2006 年 10 月 14 日 2:52 am

vickymandy 寶貝，
姐姐好驚日子一日一日咁過，關於你的一切會一日一日咁模糊，所以姐姐一諗起你嘅往事，就會喺度同你講下及記下來！回憶以往和你一起的歡樂時光！

2006 年 10 月 13 日 4:01 pm

Kan 阿寶,
你係到做緊咩呀?見到哥哥姐姐每日都同你傾計播, 保祐姐姐快d好番啦!
萬聖節快到,有冇相約d朋友仔去辦鬼辦馬呀?

2006 年 10 月 13 日 6:23 am

vickymandy Bobo子，

知唔知姐姐點解咁樣叫你吖？嗰時日本啲女明星都係叫松隆子呀，深田恭子呀，乜子乜子咁樣，所以姐姐喺你個名後面都加個"子"字，媽咪佢哋仲以為你鐘意攪報紙，取其音"舖報紙"，而叫你"Bobo子"。

姐姐仲幫你改咗好多名，有"寶哥"，"小寶"，"寶頭"，"亞寶"，"大佬寶"，"寶貝"，"寶珠姐"，"太后娘娘"，冲完凉後就叫"白雪公主"。

你都好醒目，聽到我哋叫有個"寶"字嘅名時，你都會則起個頭聽我哋講嘢！個樣仲好cutecute添！

2006 年 10 月 12 日 2:47 pm

vickymandy 寶呀，
記得嘛？哥哥姐姐每日洗頭嘅時侯，你都很喜歡入來挨住我哋隻腳坐近浴缸邊，就算比哥哥弄濕身體都唔走開，你毛茸茸及暖粒粒嘅身體，姐姐都宜家都記憶猶新！倒吊着頭洗頭看見你在走廊行過的情景，從鏡霜中反映着你從鏡中望着我那儍乎乎的樣子，仍然瀝瀝在目！真的非常想念你！

2006 年 10 月 11 日 2:04 pm

哥哥寶寶：
點攪呀！姐姐佢話Ｄ感冒又嚴重番。緊係啦，未好哂又走去Physical做運動。你幫我睇實Ｄ佢啦。唔係又攞我嚟攪架啦。
Apple成日嚟探你咁有心，你要幫我保佑佢哋一家人開開心心、健健康康呀，OK！姐姐話佢個頭好痛，聽日先嚟睇你，咁你同姐姐都早Ｄ体息啦。儍寶！

2006 年 10 月 10 日 3:08 pm

apple&ven 寶寶﹕早晨ｉ原本昨晚可以寫多d，不過阿ven哥又要用﹔知道姐姐好番d開心番一定係你照顧姐姐啦！仲有記得照顧你自己你都要享受一下你既生活ｏ我都努力啦！

2006 年 10 月 9 日 11:04 pm

vickymandy 小寶，
哥哥焗咗啲蕃薯比姐姐當消夜食，好好味！你食唔食呀？聽卓敏姐姐講，蕃薯是所有防癌食品中排列首位，非常有益！所以我哋以後會多吃蕃薯，寶珠，你都一齊嚟食吖！

2006 年 10 月 9 日 5:39 pm

apple&ven 寶寶﹔你好嗎！唔好意思﹕甘耐先找你﹕首先要多謝你保佑我冇事大步[欖]過﹔現在心情放鬆真係開心）你在彩虹橋上有見到月光嗎/

2006 年 10 月 9 日 1:35 pm

vickymandy 寶呀，

姐姐個感冒好番好多，凈係有啲咳，食番幾盅鬍鬚佬川貝琵琶膏就冇問題，唔洗擔心！

哥哥話我病佢就遭殃，因為我啲脾氣會好差，加上你現在和我合二為一，我哋嘅威力真係非一般人能夠抵受得住，所以你哥哥好叻嫁！

2006 年 10 月 8 日 2:20 pm

哥哥寶仔：
今晚追月令我想起以前珠珠追住你個八月十五嚟咬嘅情景，我知你唔會嬲佢嘅，因為佢都係唔抵得我同姐姐咁錫你先咬你個屁股仔！尋晚你知姐姐唔舒服，所以番嚟探姐姐呀，咁乖仔抵我同姐姐咁錫你。得閒咪番嚟探吓我哋囉，儍寶。
想你！

2006 年 10 月 7 日 4:26 pm

vickymandy 寶珠，
激死姐姐喇！噚晚夢到你喺姐姐哥哥堆被下面瞓覺，你規律的呼吸使那堆被上下移動，正當我想揭開堆被看看你時，鬧鐘就响起來把我噪醒，使我不能看看你！寶呀！今晚可唔可以嚟我夢中探下我呀？真係好掛住你呀！

2006 年 10 月 7 日 12:54 pm

哥哥寶仔：
喂，先同你講聲中秋節快樂先。姐姐佢大感冒喎，點算呀？佢又唔肯去睇醫生，你幫我睇住佢，要保佑姐姐快Ｄ好番，如果唔係傳咗比我就大煲囉。重有幫我話吓姐姐啦，叫佢堅强Ｄ開心Ｄ，成日喊好傷身架。要你同我擔心佢就唔好啦，係咪先！
想你寶寶！

2006 年 10 月 6 日 4:37 pm

vickymandy 寶呀，

天父送咗份最好嘅中秋節禮物比我哋，就係Apple姐姐冇事喇！Report出咗，只係小問題，Apple姐姐身體健康，又一次證明主一直庇蔭着我們！

自問不是一個虔誠嘅信徒，但每次當姐姐遇上難題，只要向主誠心祈告，衪也會替我作出最完滿的安排！

所以，姐姐深信寶你一定在天父懷裡過得很幸福！寶寶，中秋節快樂！

2006 年 10 月 6 日 7:07 am

寶哥哥哥，哥哥，

寶哥calling，over！你收唔收到？冇我呢個大佬睇住你，你就咁"咋斗"，要你照顧姐姐，你重整喊埋佢，你唔係唔知佢大喊包嫁啦！佢真係可以喊成晚收唔到聲嫁！

明白你哋好掛住我，我都一樣好掛住你哋！我咁頑皮，咁搗蛋，你哋都冇把我遺棄，一直都咁痛錫我，喺我病榻中對我無微不至，我實在不枉此生！

我宜家只不過擺脱蒼老嘅軀殼，回復壯年時期般在天父的國度繼續生活，這裡無疾病，無痛苦，是最完美的國度！你哋要替我高興至啱！乖乖地喇！唔好再成日喊喇！笑番吓啦！Roger Out！

2006 年 10 月 5 日 6:11 pm

哥哥寶寶：
今日八月十四迎月喎，你係天國個月亮圓唔圓架？今年第一次自己响彩虹橋過中秋，如果悶嘅話，咁番嚟探吓姐姐同我囉！我哋幾時都歡迎你番嚟，寶寶之家廿四小時stand by。
記住要保佑屋企個個都身體健康，由其係Apple姐姐同佢Daddy，知嗎。想你！

2006 年 10 月 5 日 2:25 pm

vickymandy 寶貝，
哥哥幫姐姐download咗姐姐最愛容祖兒版嘅"童話"，每次聽呢首歌，姐姐都好掛往你，眼淚更不由自主地流下來！你點呀？生活愉快嘛？姐姐唱歌都幾好聽嫁！不如等姐姐再唱比你聽，讓你再和哥哥姐姐一起發個甜夢！

"我要變成童話裡
你愛的那個天使
張開雙手變成翅膀守護你
你要相信
相信我們會像童話故事裡
幸福和快樂的結局"

2006 年 10 月 4 日 2:29 pm

apple&ven 寶寶:哥哥冇用啦?又令到姐姐一齊喊:我明白佢地太掛住你所以忍唔住不過你要照耀住他們唔好傷心１√要告訴哥哥姐姐你一直看著他們要好好生活:寶你在所有認ノ識你的人裹:是無ノ法取替所以你要女子好生活?

2006 年 10 月 4 日 10:35 am

apple&ven 寶寶:哥哥冇用啦?又令到姐姐一齊喊:我明白佢地太掛住你所以忍唔住不過你要照耀住他們唔好傷心１√要告訴哥哥姐姐你一直看著他們要好好生活:寶你在所有認ノ識你的人裹:是無ノ法取替所以你要女子好生活?

2006 年 10 月 4 日 10:35 am

apple&ven 寶寶:謝謝你"好開心你祝福我:我明天去醫生到其實真＼係好驚:但ven哥哥緊張我又唔想另身邊支持我擔心我ヮ既人唔開心:但有埋你我定得放心>你快d報夢比哥哥姐姐唔好喊快d笑:哥哥冇用要繼續努力加油>.靠你呀姐姐佢甘努力你耍比心機照顧姐姐"仲有姐姐自己就要做伴良姊妹要扮靚青見唔好喊啦?

2006 年 10 月 4 日 9:35 am

ANDY&BABY 哥哥:睇你平時巴巴閉,原來都係咁無用,叫你照顧姐姐,反而搗喊姐姐,這樣,寶寶點會放心呢?
你要振作d,堅強d,做個榜樣比姐姐睇,開開心心生活!寶寶會在遠處祝福你們,衹要你地開心,寶寶就開心,相反你地唔開心,寶寶都會隨著你們而改變,所以......哥哥,姐姐,你們要努力呀,唔好令寶寶再擔心你們!
寶寶,你都要幫哥哥姐姐打氣呀!

2006 年 10 月 3 日 5:07 pm

寶寶 Apple姐姐，
蒙主照顧，你爸爸及你一定會冇事，大步攬過，我同哥哥姐姐都會為你們禱告，信我吖！主會有他的安排！

2006 年 10 月 2 日 2:26 pm

vickymandy 寶貝，
哥哥好冇用呀！上嚟睇完你之後喊咗出嚟，攪到姐姐都一齊喊！好可能係以往咁多年，每逢過時過節，總有你的份兒一齊往媽咪家做節！今日往媽咪度慶祝中秋節，沒有了你在我們身邊，所以姐姐哥哥覺得有點失落！唔打緊啦！你永存我和哥哥心內！我們三個心扣心，永不分離！

2006 年 10 月 2 日 2:19 pm

apple&ven 寶寶：你好嗎？今日我地同哥哥姐姐去睇戲仲有嫲嫲呀天氣開始涼要保重：同埋姐姐好似堅强在好多當她說到你時都有點傷心，過仍强忍，好叻呀；雖然我同你從未見過但常聽到你的事跡，知道你好强，所以從現在開始會經常見到我的名字，不要奇怪。仲有拜託你保佑我的爸爸希望他可以活多好多年不要再去醫院啦！多謝你：見到你嘅相實在好cutecute！

2006 年 10 月 2 日 2:04 pm

vickymandy 寶貝，
很多朋友都會問我哋會唔會再養狗兒來彌補失去你的痛楚，作為哥哥姐姐最刻骨銘心的至愛，試問有誰能代替你地位呢？

2006 年 10 月 1 日 5:24 pm

哥哥寶:
今日國慶有煙花睇，唔知你係天堂睇唔睇到？Appl姐姐身體有事，你要保佑佢大步'檻'過。知嗎儍寶！

2006 年 10 月 1 日 9:45 am

vickymandy Bobo子，
姐姐開始漸入佳境，噚日第二日冇喊過喇！情况會越來越好！你可以放心過着天國的美滿生活！

2006 年 9 月 30 日 5:32 pm

apple&ven 阿寳在天國看著你倆，要努力，要比寶寶開心快活地在彩虹橋嗎？你倆心地甘好天父會在天國保護阿寶不用擔心：蘋果小姐及阿ven先生祝福寶貝快快樂樂快d追個靚女在天國保佑你倆哥哥及姐姐，要比力量姐姐，叫姐姐靚靚健康，要哥哥好好照顧姐姐，變型仔。

2006 年 9 月 29 日 10:42 am

Bobo 儍哥哥，儍姐姐，
我係Bobo子呀！我宜家喺天國生活得好幸福，承蒙主的照顧，我宜家不知幾叻，回復以前靈活嘅彈跳力，呢度我乜都可以食，仲有"仔仔"陪我玩，我又可以好似以前咁周圍攪攪震，你哋唔洗擔心我，好好生活落去！咁我就安心！

2006 年 9 月 28 日 2:57 pm

哥哥寶：
如果你知道哥哥同姐姐的心意，你要好好咁係天國度生活。我地都會堅强咁去生活。你唔使擔心我地，將來再係天國見面。我地永遠懐念你！

2006 年 9 月 28 日 1:53 pm

vickymandy 寶呀，
原來亞豹喺三歲時都得過場大病，險些送命！幸好有他爸爸媽媽的悉心照料及不離不棄，而大步攬過！
而亞寶你亦都同哥哥姐姐喺舊年一起共渡兩次難關，你兩次都好叻仔，好硬淨咁刻服病魔！但今次姐姐不忍見你辛苦，喺你離開前嗰晚，姐姐祈求主把你帶回衪的懷裡，主亦聽到姐姐的呼喚，把你帶到衪的樂土！你呢個乖仔知道哥哥姐姐不忍親自送走你，你是自己自然離去的，以減輕哥哥姐姐的痛苦！是捨不得，是痛，只要你宜家活得幸福，哥哥姐姐已經心滿意足！

2006 年 9 月 27 日 5:51 pm

爸爸 Bobo子，
你宜家唔係伯伯喎！有冇識番個女朋友仔呀？

2006 年 9 月 26 日 10:15 am

vickymandy 寶呀，
姐姐噚日整損隻手指，要哥哥幫我批西柚皮，但姐姐要人做嘢，仲要求多多，嗰時好似覺得你同我合二為一，變咗個小霸王一齊蝦哥哥咁，你都知哥哥一向就晒我哋兩個嫁啦！雖然姐姐有啲橫蠻，但感覺好似同你好近咁！你都知你喺我哋三個中，你地位係最高嘛！

2006 年 9 月 26 日 10:10 am

vickymandy 寶珠，
噚日見到哥哥將個printer背喺膊頭行番屋企嘅時侯，令姐姐諗番起以前帶你去完媽咪屋企行番屋企時，哥哥都係把你背在膊頭上，你兩隻手仔好自然咁踏喺哥哥膊頭上，你兩隻耳仔隨着哥哥的步伐而彈吓彈吓咁，真係好cutecute！不枉係姐姐至愛嘅cutecute Bobo！

2006 年 9 月 25 日 12:15 pm

cheukman VickyMandy,
i would like to let u know that 'There's Heaven' In Bible:(Revelation)states that John gives us a glimpse of what heaven will be like.He saw "a pure river of water of life, clear as crystal" and in that place there was no need for "lamp nor light of the sun, for the Lord God gives them light." Words are inadequate to describe heaven, but we know its a real place for those who have trusted Jesus as their Savior. Jesus assures us,"In my Father's house are many mansions; from sin and sorrow free, a mansion which eternal love, designed and ormed for me.

2006 年 9 月 25 日 12:01 pm

哥哥尋日姐姐同我帶咗Baby上山頂行，真係好懐念以前帶你去山頂嘅日子。你知嗎？儍寶你的一切仍點點滴滴留係我心裡面。

2006 年 9 月 25 日 11:18 am

vickymandy 儍寶，
姐姐自從和你一起生活，就對啲白毛狗仔，甚至乎啲白毛狗公仔情有獨鐘！嗰時買咗隻白毛狗公仔回來，仲把你小時侯的一件衫仔給他着！宜家你離開咗我哋，那隻白毛狗公仔就每晚都陪着哥哥姐姐瞓，以慰籍我哋對你的思念！寶，你點呀？仲有冇咁惡，咁曳曳周圍攪破壞呀？

2006 年 9 月 24 日 2:18 pm

vickymandy 寶頭，
一個月喇！你離開咗我哋已經一個月喇！姐姐同哥哥一樣，覺得呢段没有你在身邊的日子過得好慢！你以住和我們一起嘅片段，每日都不停喺腦海中浮現，非常掛念你！寶呀！你今晚可唔可以喺我夢中出現呀？好想見見你，抱抱你呀！

2006 年 9 月 23 日 5:45 pm

哥哥寶：
唔覺咁你就走咗一個月，唔知點解好似時間過得好慢，我都仲係唔多慣你唔响我身邊，不過姐姐同我都會好努力咁去適應。只要你係天國度好好生活，咁我就放心！念你。

2006 年 9 月 23 日 4:07 pm

AH LAI BOBO:
ALTHOUGH YOU DON"T KNOW ME BUT I STILL WISH YOU HAPPY & ENJOY IN THE HEAVEN. IF YOU HAVE TIME, MAKE MORE FRIEND AH! TAKE CARE LA! BEST WISHES.

2006 年 9 月 23 日 5:21 am

爸爸亞寶，
亞朱咬過你pat pat，你唔好嬲佢喎！你知佢儍儍哋嫁啦！

2006 年 9 月 22 日 10:39 am

vickymandy 寶呀，
今日姐姐攞番周慧豹本書出嚟睇，原來亞豹啲性格同你好相似，一樣咁倔强，明明自己做錯事，都要先發制人，兇咗你先！等你唔好閙佢！
而你哥哥同倪震一樣，因為遷就你晚上在他兩腿之間睡覺，所以一直保持同一動作而導致腰酸背痛，亞豹好有你嘅影子，使我回想起你嘅百厭史！

2006 年 9 月 22 日 10:10 am

vickymandy 寶貝，
兩日冇見，好掛住你！頭先睇你啲相，見到那張板仔look嘅相！記得當時係新買部手機番嚟幫你影嘅，我仲比媽咪睇，媽咪好攪笑，誤以為相中的你是我！咁又係嘅，你同姐姐一樣咁靚，咁kawaii嘛！

2006 年 9 月 21 日 12:02 pm

vickymandy 寶仔，
肥仔丘哥哥好有你心，送咗盆迷你紫玫瑰比你，姐姐將盆花放咗喺你個花園度，不過，記住唔好喺個盆邊疴尿尿喎！"仔仔"好嘛？幫我、哥哥同埋肥仔丘哥哥問侯佢吖！我哋要開開心心喺天國生活下去！知道嘛！

2006 年 9 月 18 日 1:58 pm

vickymandy 寶貝，
哥哥姐姐今日去西貢，你都去過唔少次，還記得嗰時用狗帶拖着你行，你左拉右扯，睇你狗隻細細，氣力可不少！但當你行累了，你就成隻乳猪仔咁撻喺地度要我哋抱抱，作為我們嘅心肝寶貝，我們又點會唔屈服比你吖？

2006 年 9 月 17 日 3:03 pm

vickymandy 寶頭，
姐姐今日經過曾經買衫仔給你的檔口，買嗰件棗红色拜年衫給你嘅檔口，仲記得嗰次係細Win姐姐同我一齊揀這件衫給你的，很懷念！不過姐姐好冇用呀！今日經過望見啲狗仔衫時，又喊咗出嚟！姐姐真係好掛住你呀！
寶珠，姐姐噚日唔記得同你講呀！我前晚發夢夢見你着住件壽司仔衫，個樣好靚仔，好精靈，你宜家一定喺天父那裡生活得很愉快喇！

2006 年 9 月 16 日 4:43 pm

哥哥儍寶：
唔知點解成日都覺得你响身邊，可能真係一齊生活咗好耐，已經係生活嘅一部份。雖然你而家係天國開心生活，不過咁代表永遠你活係我心裡面。想你！

2006 年 9 月 16 日 3:10 pm

vickymandy 小寶，
姐姐今日對眼冇腫喇！噚日係我喺你離開後第一日没有流淚，姐姐會越來越叻，你要幫姐姐打氣呀！

2006 年 9 月 15 日 5:50 pm

哥哥寶仔：
姐姐好努力咁去適應没有你在身邊的日子，但並不代表我們要忘記你，因為你永遠活係我們的心裡面。所以你係"天國"要生活得開開心心,自由自在,無憂無慮，咁我哋就放心，唔使擔心我哋！

2006 年 9 月 14 日 11:40 am

vickymandy 寶貝，
姐姐繡緊幅天使十字繡比你呀！係一男一女天使，代表姐姐同哥哥永遠守護住你。姐姐都未整過咁大幅十字繡，到宜家都係繡咗兩對翼咋！唔好嬲我手腳慢喎！姐姐應承你，一定比心機整得好靚嫁！

2006 年 9 月 14 日 10:00 am

大猩猩&何婉您地要開心快樂地生活,小寶才會放心!
我地支持您

2006 年 9 月 13 日 2:43 pm

vickymandy 寶呀，
你由細到大都咁仲意爪牆咬牆食油漆灰，以你嘅高度，成間屋近地腳線嘅牆壁都有你嘅爪痕及牙痕，你是固意留下這些紀念品給我們，讓我們能在家中每個角落都想起你！的而且確，家中許多東西也會勾起哥哥姐咀對你的思念！寶，謝謝你這十年來為我們帶來無數許多歡樂的時光！

2006 年 9 月 13 日 1:08 pm

Miss Lai 好好保重身體，憂能傷身！

2006 年 9 月 13 日 11:58 am

Kan Bobo,

新既生活習慣未呀?大個仔,要學懂照顧自己,勉得哥哥姐姐替你擔心噢!你記住要生活得開心,哥哥姐姐就會放心!

以前聽過你小小事件簿,心目中覺得你都幾惡wor,不過又聽過你既攪笑野...曾幾何時,見到姐姐既某位同事,之後就控制不了地,嘔了出來...哈哈,你咁可愛既性格,真係令我留下了很深刻既印象....

放心,哥哥姐姐一定會堅強地生活落去的!

2006 年 9 月 13 日 2:32 am

Andy & Baby 小寶寶:
你係"天國"要生活得開開心心,幸福快樂,自由自在,無憂無慮,識多d朋友仔呀,仲要保佑你哥哥同姐姐生活愉快!
永遠都掛念你!

2006 年 9 月 12 日 3:46 pm

vickymandy 寶哥，
今日姐姐去咗跳兩場舞，出了一身汗，感覺好多了，你放心喇！唔好掛住哥哥姐姐喇！回天父懷抱裡，知道嘛！

2006 年 9 月 12 日 3:26 pm

哥哥寶仔：
呢幾日天氣涼噃，你係天國要小心身體，唔好冷親。想你！！

2006 年 9 月 12 日 1:22 pm

vickymandy 臭寶頭，
我哋一齊生活咗咁耐，你都知姐姐出名大喊包嫁啦！流眼淚當食生菜啦！你唔洗擔心姐姐嫁！掂喎！有哥哥喺度嘛！只要你喺彩虹橋開開心心，姐姐都會開心！

2006 年 9 月 11 日 5:25 pm

哥哥寶呀:
你記住係天國度幫哥哥保佑姐姐，佢真係好掛住你同唔開心，但係我又唔知點樣開解佢。所以你真係要幫我睇住姐姐，叫佢開心D啦！不過你都要開開心心咁係天國度生活喎。知唔知道，唔係哥哥打你PAT PAT架！MISS YOU SO MUCH！

2006 年 9 月 11 日 3:03 pm

vickymandy 寶貝，
你最鐘意舐哥哥，唔多錫姐姐，但姐姐每次唔開心哭泣時，你都會走到我身旁錫錫姐姐！
昨晚姐姐太掛念你，不停的流下淚來，但你已不在我身邊錫我喇！
唔打緊啦！姐姐撐得住，只要你現在天國幸福快樂，姐姐會在遠方祝福你！

2006 年 9 月 10 日 3:07 pm

哥哥：寶呀，哥哥放咗好多朋友仔你係身邊嚟陪你，包你係彩虹橋度唔會悶。出面好大雨，小心唔好淋濕身呀！

2006 年 9 月 9 日 4:10 pm

vickymandy 寶寶：
點呀你？OK嗎？好掛住你！
哥哥

2006 年 9 月 9 日 6:56 am

vickymandy 寶呀，
姐姐知你宜家喺彩虹橋過着幸福健康的生活，已經唔洗食嗰啲醫生處方嘅東西，姐咀噚日已將雪柜嘅Renal同KD倒咗。
你好好喺彩虹橋同你啲朋友仔分享你啲腸腸，蛋蛋，橙橙，餅餅，粟米，尤魚絲，椰皇.....記住預埋"仔仔"嗰份喎！

2006 年 9 月 9 日 4:43 am

vickymandy 小寶，
聽肥仔丘講佢個摩天使"仔仔"喺天國遇到你，仲同你好friend！有呢個大佬睇住你，哥哥姐姐放心好多喇！

2006 年 9 月 8 日 4:17 am

vickymandy 寶貝，
姐姐唱首歌你聽吖！好好聽嫁！
"我要變成童話裡
你愛的那個天使
張開雙手變成翅膀守護你
你要相信
相信我們會像童話故事裡
幸福和快樂的結局"
夜喇！乖乖哋瞓覺喇！

2006 年 9 月 7 日 3:40 pm

Amy My dog Fat Fat is also a christian. I think he will meet Bobo in th heaven! Jesus loves them!

2006 年 9 月 7 日 3:18 pm