jessie
優優^^新年快樂^^
2012 年 1 月 25 日 4:20 am
優優呀, 好嬲呀, 樓下個垃圾婆成日老作話我放狗周圍痾呀, 佢周圍同人講話我放bb四圍痾, 我次次都有帶報紙架啦, 佢咁老都咁衰架, 咁無口德, 佢實好快要勾脷根架.
優優, 我今日去左見工, 好攪笑呀, 個醫生話覺得我好似上左岸咁, 吾使做....
車, 吾使做就吾黎見工啦.
車, 吾使做就吾黎見工啦.
優優, 琴晚發夢同你有關架, 不過見吾到你個樣, 只係我係夢入面好掛住你而流淚, 優優, 我好掛住你呀.
優優豬, 我諗過去十七年來, 我都無見過一隻同你有七分似既狗仔, 我諗, 以後都吾會撞到一隻似你既狗狗, 如果想搵一隻似你既, 我諗係無可能架喇, 優優你似人仔多過似狗仔, 雖然你好百厭, 但係你永遠都係我心目中既第一位.
優優, 我比裝修佬激到爆血管, 隻眼好似血紅色咁呀, 仲要食藥, d血吾知幾時散呀. 優優豬, 你同我鬧佢, 叫佢快手d啦.
優優, 我今日用左你張相, 整左個有聖誕氣氛既相, 而家你係聖誕婆婆啦.
優優, 我今日去左工展會, 行左成半日, 都ok喎, 精神算吾錯喎, 如果精神好, 我遅d會搵野做, 番下工, 搵多d錢. 肥豬優優, 半年喇, 你幾時番黎呀???
優優豬, bb仲要食多半個月藥, 再番去抽血, 優優, 如果我細心d照顧你, 你就吾使病得咁辛苦, 我吾可以再犯錯, 所以bb一有咩事, 我都會快d同佢去睇醫生. 優優豬, 好掛住你呀.
優優, 我琴晚番左黎香港啦, 同埋仲發夢見到你, 好開心呀, 我成個月無夢見你喇. 臭豬.
優優, 半年喇, 你吾係度半年喇, 我真係好掛住你, 但係我覺得你已經可掛住我喇, 係咪呀? 優優豬, 你幾時番黎呀, 我等左好耐啦.
優優, 聽日就係你離開六個月啦, 好似好快, 又好似好耐, 好快係咁快你就離開左六個月, 好耐係你吾係我身邊咁耐, 優優, 你仲有無掛住我呀?
優呀, 就黎你吾係度半年啦, 呢半年, 我日日都諗起你, 諗起你細個同我一齊生活, 直到最後你離去, 優優, 我太疏忽照顧你, 我將會永遠內疚, 優優, 你幾時番黎??我仲要等幾耐? 我好掛住你, 你知吾知道? 你永遠都係我既最愛.
優優, bb睇左醫生, 原來bb有牛碑熱, 而家要食一個月藥, 好彩發現得早, bb一d病徵都無, 優優, 因為你既離去, 令我更加關心bb既健康, 如果以前我識多d, 優優, 你一定仲係我身邊.
優優, 今日我同bb去睇醫生, 因為我見bb個子宮好似有事, 我驚佢好似你咁, 我吾可以再疏忽, 令你地都有同一個病架. 我而家等緊醫生報告呀. 希望bb吾好有事呀.
優優, 我琴晚發夢吾見左你, 成晚係街搵你, 搵黎搵去都搵吾到你, 優優, 我連發夢都見吾到你呀~~好傷心呀. 優優, 我好掛住你呀.
優優豬, 天氣凍凍啦, 如果你係度同我一齊訓就好啦, 你隻豬豬最鐘意札住我黎訓架啦. 優優, 我成日都望住你張相架, 你張相就放左係電腦隔離.
優優豬, 如果以前我識拍短片, 而家就可以成日見到你喇. 我而家成日同bb影相同拍短片, 因為我驚好似你咁, 小左一d回 憶. 優優, 好掛住你呀.
優優, 下星期天氣會轉涼小小, 不過都有成十幾度, 又吾算好凍既. 優優而家真係好吾乖呀, 因為優優好耐都無係我夢入面出現啦, 有同學仔話優優而家掛住玩呀......優優而家吾 掛住我喇.
死肥豬優優, 你想掛死我咩???你去左邊呀~~~優優, 我頭先同你個優優杯, 同骰仔影左相, 我仲以為你個水晶骰子影吾到, 原來都影到架喎, 我仲未去整散紙包, 等我遲d有時間再去整過先.
優, 我又睇下傳心術師之前比我既email, 因為我掛住你, 我掛住你, 所以再睇多一次, 有同學仔話同你傾過計, 係咪架??? 你同人傾都吾同我傾, 你個衰豬.
優優, 我諗下, 你以前D相, 吾係用數碼相機影, 咁D相底咪好容易耐左黃晒囉, 我遲D用數碼機影低晒你D相留底先, 容咩易無晒你D相架.
優優, 我望下個日子, 咩我有幾日無入黎咩?? 我日日都有同你傾計架, 我日 日都有掛住你架, 我永遠都會咁愛你, 你吾好以為我會忘記你. 你永遠都係我至愛.
優優, 我朋友仔話你而家成日去左玩, 小左番屋企, 係咪真架? 佢話你見bb而家已經可以令我地都開心番, 所以你小左番黎, 咁吾得架喎, 你可以去玩, 但係都要番屋企架, 我都好耐無夢見你喇, 第時我成功左就要鬧下你先得.
優優, 你粒骰仔羅左啦, 好靚, 真係好靚呀, 我好鐘意, 爸爸都覺得好靚, 我遲d出去整個散紙包, 個散紙包都好靚架, 優豬豬, 我真係每日都掛住你架.
優優, 點解咁耐無夢見你既, 都吾知你隻肥豬去左邊, 掛死我啦. 優豬, 你個粒骰仔仲未有得羅既, 死啦, 成個月架啦喎, 佢會吾會整吾見你d相底架, 一陣去問下先.
優優, 今日練習左幾次, 都係吾得, 好氣餒, 點解 人地得架???點解我吾得架, 有咩理由丫....
我想打人呀..
我想打人呀..
優豬豬, bb豬好似老左好多, 佢愈來愈似你初初開始老化果陣, bb而家有時跳吾上疏化, 點算呀?? 我見bb身體開始似你老化果時咁, 我就好驚, 優豬, 點算呀? 優豬, 你同bb講, 叫佢叻d呀. 吾好病病呀.
優呀, 琴晚成晚都係夢見你, 不過係見吾到你個樣架喎, 成晚就係問爸爸, 你落左街未? 有無大大. 爸爸話你大大完好快要番屋企, 我話係呀, 優優豬而家吾鐘意行街啦, 佢想快d番屋企, 不停係同爸爸講你, 就好似以前一樣, 從來都無覺得你係離開左咁. 優優, 我好掛住你呀.
優優, 呢2日天氣好凍喎, 你凍吾凍呀?? 優豬, 我呢幾日又訓得吾好喇, 好煩呀, 成日都訓得吾好, 個人又好累, 好慘呀. 優豬, 好掛住你呀.
優優, 我韓文2級合格呀, 好好彩, 岩岩好合格咋. 咁出年我可以慢慢讀啦, 過多一年先考3級囉. 我要用多d時間練習呀. 優優, 我愛你.
優豬, 我琴晚又訓得吾好喇, 我最近發覺自己好似有d變態, 咩都憎, 覺得成日都撞到d衰人, 點算呀, 希望d衰人快d消失啦.
優, 琴日係市中心有個同狗狗一齊影相既活動, 我羅左張傳單睇, 入面有一張相, 個隻狗狗好似你, 真係好似, 爸爸都覺得好似, 我望住張相, 我真係有想喊既衝動, 原來, 呢個世界會有一隻似你既狗狗, 吾知佢係咪真係好似你呢??定係角度問題呢???優優, 我好掛住你呀.
優優豬, 我而家搵左個地方, 放我同你傾計既野, 不過要一d一d搬, 我諗都係有多個地方擺好d, 我穩陣嘛. 我一路搬, 一路再重溫, 優優, 我既回憶裡面, 無可能無你架. 我愛你.
優豬, 就黎你吾係我身邊5個月喇, 人地可能會覺得, 5個月, 都傷心夠啦, 優優, 無論過幾耐, 我都係咁愛你. 你幾時可以番黎呀???
優豬...頭先成日入吾到黎呀, 嚇c我啦, 好驚個網無左呀, 諗諗下, 要吾要搵個地方收藏好呢, 有d驚驚地喎.
優呀.....今日爸爸都要開工, 得我同 bb係屋企咋, 你係邊呀??? 優優, 如果以前我識用機影低你d生活, 咁而家我咪可以睇住你囉. 我而家識用喇, 我都有同bb拍低佢既生活, 你吾好呻醋呀.
優優, 琴晚爸爸話佢一次都未夢見過你, 我話爸爸緊係吾掛住優優啦, 我一星期至小都見到優優一次, 有時仲會幾次呀. 一係就優優吾錫爸爸囉......我問爸爸, 你會吾會吾記得左優優係點既樣架???爸爸話 : 緊係吾會啦. 我同爸爸講, 我好耐無攬過優優喇.......優優, 我好掛住你呀.
優呀, 琴日有同學仔send email比我, 佢話佢都做吾到, 佢都諗緊報吾報part 2, 係囉, 我見有d同學好勁, 但係自己又好似咩都做吾到, 點解咁架?? 吾通係優優豬吾乖, 吾彩我???
優豬豬, 我今日好叻 , 行左成個鐘書局, 好勁呀, 其實仲有小小頭暈, 不過已經比之前好左好多喇, 優豬豬, 我再精神d, 就可以再勤力d練習啦.
優豬, 我今日血壓升番小小, 終於過100啦, 好似精神番好多喇. 優豬, 肥豬優, 好耐無再對住你嗌你啦, 雖然你每日都一定出現係我口中無數次, 但係, 我真係好耐無攬過你喇...
優豬豬, 我琴日上完堂喇, 都無咩效果, 同學仔就幾ok, 蝦............點解成日都係得我好似吾係好得咁既???? 無理由既, 我....一定要比心機去練既, 我實得既.
肥優呀, 睇番你以前d相, 你以前真係肥好多, 呢2年你廋得好緊要, 希望你以後都肥肥白白. 我琴晚好似發夢見到你, 不過個夢係點, 我好迷糊, 不過, 最緊耍都係見到你啫.
優豬, 死啦, 我星期日上堂喇, 我練習都仲係吾得, 吾通我真係咁低B??? 點解咁架, 優豬, 點算呀.
優豬, 今個星期日就上第2堂啦, 呢堂係我好期待, 不過我仲未做得到, 同學講佢地既神奇經歷我無份呀, 點解我吾得既, 我試下今晚做練習先, 平時我日頭做, 吾知夜晚會吾會好d呢?
優豬, 我琴日先發現原來新買果套被, 有你係度架, 我琴日朝早起身, 番開張被....嘩, 原來有隻狗仔架, 仲係啡色, 咁咪係你黎囉. 仲有張被有好多草, 好多花, 仲有蝴蝶同雀仔, 嘩, 原來優優你陪住我訓架.
優呀, 我要投訴, 我好似又好耐無夢見你喇喎, 你又去左邊呀? 至小你都要一星期比我夢見你一次喎.
優優, 我星期五去上練習班, 不過係屋企練習都吾成功, 同人地傾下, 佢話佢ok喎, 再問番人地個主人, 都同答案吻合, 死喇, 吾通我特別豬?
優優, 我整左個優優杯, 爸爸整左個優優紙鎮, 我諗住星期六去第二間睇下, 可能再整個優優散紙包, 同優優錶. 不過全部都要成二個星期先有得羅呀. 等C人囉.
優豬, 我羅左你d相去晒, 不過晒出黎吾係好靚, 所以我又羅去第二間晒過, 今次靚d囉. 我而家好努力睇緊一d書, 希望可以幫到我學傳心術, 因為我好似仲未掌握得到, 有2個朋友佢地就話佢地都幾ok, 我好似仲係好麻麻咋. 我要努力d先得.
優豬豬, 我發夢見到你呀, 你個傻豬又走去捉雀仔, 仲咬住隻雀仔, 你吾好咁百厭呀, 成日蝦其它動物. 乖d啦.
優, 呢幾日我都有練習下, 不過進展吾大, 我個心寧靜吾到, 我個腦不停咁好多野諗, 吾知係咪咁, 所以影響左我既接收能力, 我見好多網友都話做得到, 連一d好指細既野都知道, 但係我仲係好空白, 我耍加油先得啦.
優優, 琴日我上左堂喇, 不過吾知自己識吾識, 最開心係老師同我睇下你而家點, 佢話你而家同蝴蝶玩緊, 係綠油油既草地上玩, 好開心, 叫我吾好內疚, 你無怪我. 優優, 我只要你開心, 你開心, 我就開心架啦. 我要十月先上堂學點樣同你溝通呀, 你等我呀.
優豬, 我聽日上堂啦, 你要保佑我聽日吾好 頭暈呀, 我呢輪成日頭暈, 好激氣呀. 我已經執好晒野去上堂架啦. 肥豬優優, 好掛住你呀.
優之豬豬, 我今日生日呀, 你記得今晚番黎陪我, 知吾知呀. 上完星期日果堂, 又要等到十月先可以上堂, 十月果堂係我好期待架. 優優豬, 錫啖先.
優優豬, 我今日揀好晒你d相去晒啦, 我晒完就羅出去旺角整優優杯, 我都吾知係咪用相架, 因為我行過間舖頭都未開門, 無得問呀, 不過我晒定先出去咪得囉. 不過要下一個星期先可以去整, 因為今個星期日我去學傳心術呀.
優優豬, 我羅左你d相去晒, 不過仲有 d係用菲林影既未晒呀, 等我遲d再羅去晒埋先. 我見到有一間舖 頭可以用相整杯啦, 紙鎮, 手袋銀包, 好多野都可以整架, 我諗住用你d相, 整好多野, 我耍有隻優優杯, 爸爸話佢都要喎, 我仲想整優優銀包, 優優手袋, 好多優優呀.
優優豬呀, 我聽日考試啦, 不過我好似有d病病咁, 希望聽日無事啦. 考埋試, 我就鬆晒架啦, 咁就等多一個星期就可以同你接觸啦, 你等我呀.
優優, 我琴日係網上面睇到, 有位主人因為好掛住離去左既貓貓, 所以搵傳心術師同佢既貓貓傾計, 搵左幾次之後, 佢既貓貓同主人講 : 我同你既緣份已儘架啦, 你吾好再搵我喇....
下.............優優, 你會吾會咁對我架???好驚喎, 你吾好話我煩丫.
下.............優優, 你會吾會咁對我架???好驚喎, 你吾好話我煩丫.
優豬, 我琴晚夢見同你沖涼呀, 你個肥豬豬, 好多毛毛呀. 我放左你係洗手盆度沖涼, 傻既, 點會啫, 我不嬲都係浴缸同你沖架啦. 肥豬優優, 好掛住你呀.
優呀, 我次次投訴你呢, 你就果晚會係夢中出現.
不過呢2次剩係記得見到你, 又吾記得發生咩事喎, 激死我. 不過次次見你都生番晒d毛毛出黎, 我就好開心架喇, 因為化表左你而家好番, 無病無痛囉.
不過呢2次剩係記得見到你, 又吾記得發生咩事喎, 激死我. 不過次次見你都生番晒d毛毛出黎, 我就好開心架喇, 因為化表左你而家好番, 無病無痛囉.
優優, 你要幫我架, 我決定左9月尾去上堂啦, 你一定要好快同我接通呀, 仲有呀, 成個星期無發夢見到你喇, 你去左邊呀???吾使番屋企呀???
優優, 我可能再提早d去上堂, 咁樣, 我可以快d同你傾計, 我為左你, 我一定學得識架, 我知我一定識架, 你要比d能量我呀.
優優, 今日係你吾係度既第3個月, 我好掛住你. 優豬, 你而家係咪係屋企呀?? 我睇書話狗狗走左之後, 都會成日番屋企探主人架, 主人睇你吾到, 但係如果主人仲有其它狗狗, 咁果隻狗狗係會睇到你架. 吾知bb係咪可以成日見到你呢, 咁佢咪幸福過我囉, 可以成日見到你??
優優, 我等緊你番黎架.
優優, 聽日就係你吾係我身邊第三個月喇, 三個月, 聽落好似吾係好耐, 但係你吾係身邊就覺得好耐, 人地眼裡面, 三個月都好長時間喇, 點解你仲咁傷心? 係因為我失去既係我至愛既優優, 無我係身邊, 我好擔心你, 優, 你而家過得好嗎?
優豬豬, 記得你以前好健康果陣, 你行得好快, 又衝得好快, 去街街永遠愈行愈遠, 吾肯番屋企. 我成日都諗起你以前好活潑果個樣, 我好掛住你呀.
優優豬, 9月1日同好多狗狗一齊出黎玩, 妹梅佢既笑容好似你架, 爸爸都話一見佢就諗起你, 我都係, 你既笑容好甜架, 連眼睛都識笑. 好掛住你呀, 優優豬.
今朝爸爸係廁所痾臭臭, 我問佢 : 你記吾記得優優以前我地大大果陣佢係點架??爸爸話 : 記得, 佢又要跟埋入黎囉. 哈...哈...吾係喎, 以前我大大果陣, 優優豬係坐係我大脾同我一齊大大架喎, 我一拿廁紙, 優優豬就會自己跳番落地架啦. 優優豬真係癡纏小一陣都吾得架.
優豬豬, 好快就又一個月, 無你係身邊好快就3個月喇. 3個月裡面, 日日都係掛住你, 日子一日一日咁過, 思念就一日一日增加, 肥豬優優, 好掛住你呀.
優優, 剛剛知道貞貞也去了彩虹橋, 如果你們相遇, 要好好對貞貞, 吾好蝦佢呀. 貞貞媽媽一定同我一樣, 好傷心, 我都喊埋一份呀. 因為貞貞都係打針去彩虹橋, 優呀, 我好愛你架, 你要記住, 將來我地再重聚, 我一定加陪愛你, 彌補我今世對你吾夠好既錯. 優優, 永遠都愛你.
優優豬, 每一日我都係度諗, 你幾時番黎我身邊? 你會用什麼形式回來? 如果再生, 你會做人定做我家愛犬? 我希主你來生開開心心, 優優, 你回來的時候, 我會知道的. 等你呀.
優優, 我識用豬腦將你d相拼成牆紙啦, 我砌左好多你既相做一將大相, 嘩, 我好叻呀. 咁我可以一次睇到好多個優優啦.
優優, 今日我上堂好似幾好精神, 真係好難得呀, 因為呢個幾月都成日頭暈, 今日好似精神吾錯. 優優 豬, 我見有一隻狗狗15歲, 病情都好危急, 醫生話都吾會有奇蹟出現, 我諗個主人會好傷心, 即係好似我咁, 我無左優優都好傷心, 時間只可以沖淡傷痛, 但係吾可以沖淡我對優優既思念.
優優豬, 頭先又睇你d相, 真係好耐無攬過你啦, 優優豬, 頭先同對面屋既狗狗主人傾計, 我又講起你, 我話你17歲啦, 係呀, 優豬, 你17歲, 好叻叻呀.
優豬豬, 我琴日問爸爸 : 你有無掛住優優? 爸爸話有, 好掛住你呀. 優, 我地真係好掛住你, 我成日望住屋企d角落位, 因為你以前成日訓係果度. bb都留番你既位比你, 佢好小訓你果位架. 優豬豬, 好懷念你笑果個樣呀.
優呀, 我琴日同bb去睇醫生, 佢磅重有3.9kg, 咪同你一樣囉. 但係你係大隻過bb好多架麻, 咁即係你好廋囉. 優優, 你而家肥番未? 長番肉未? 不過我諗你而家都吾會有病痛, 因為我次次都夢見你好健康, 你一定要健健康康呀.
優豬, 落左幾日雨, 今日好似有d太陽, 你同我都吾鐘意落雨, 我吾鐘意成日落雨呀.
肥豬優優, 遲d我去學傳心術, 因為我想同你傾計, 吾知成吾成功呀, 你要幫下我手呀. 我真係好想同你傾計呀.
優豬, 日子一天天過去, 對你既思念不曾減小, 每日都同爸爸講起你, 每日都係思念中渡過. 你有無掛住我? 沒有我在身邊, 你習慣嗎? 優優, 我愛你.
頭先我突然想起好多年前, 我地係屋企走火警, 個火警鐘好大聲響, 我地樓下火燭呀, 我咪立即抱起你走人喇, 點知個傻爸爸仲要走番入房梳下頭先走人喎, 你話佢係咪傻架? 走火警, 第一件事緊係帶埋優豬豬走啦, 仲走去梳頭, 爸爸比我鬧左好耐呀, 豈有此理丫.
優優豬, 你有無成日番屋企呀, 我睇到d人話狗狗去左彩虹橋都會成日番屋企探主人架, 同埋話狗狗都會好想下 一世都再搵番同一個主人一齊生活架, 而且好多時都會係狗狗主動搵上門架, 咁你幾時再番黎呀, 優優豬吾係我身邊, 我覺得小左個好愛既親人一樣. 你快d番黎呀.
優優豬, 今日打8號風球呀, 我最憎落下天架啦, 次次落雨你都無得落街街, 優豬豬, 我今日又同人講你啦, 一講你, 就吾可以收口, 你知吾知我好掛住你呀.
優優, 我放左你張相係電腦旁邊, 等我一掛住你就可以望下你. 我又發夢見到你, 但係麻麻地囉, 我見你同亞麻一齊住, 係夢入面, 我去搵你, 你比人遺棄左, 我去搵你, 好辛苦搵番你, d人同我講好彩我早黎一步, 本來要人道毀滅你, 我抱起你, 同係講, 我以後吾會放棄你, 番屋企同你沖涼, 一路沖一路喊, 你好多傷痕, 優優, 我好掛住你呀.
優優, 今天係你離去2個月, 好似好快過, 又好似好漫長, 日子一天一天過去, 你幾時回來我身邊? 你將會以什麼形式回來我身邊? 我等得好辛苦呀, 我想你快d回來呀, 沒有你在身邊, 總覺得生活好像缺了什麼似的. 我想再看到你的笑面, 想再擁你入懷.
優優, 我係網識左好多狗友, 我成日同人講你d野, 吾知人地煩吾煩呢? 人地講佢隻狗狗, 我又忍不住講下你, 講下你d百厭野, 有時又講下你幾可愛, 無論點講, 你都係我最愛.
優優, 明天就是你離去2個月了, 呢二個月好似好漫長, 掛念你的日子很難捱, 有時會想起你百厭事蹟, 有時會想起你病的時候, 最想起多的是帶你去打針的情形. 整理好的照片, 由你bb開始, 一天一天過去, 你變成老婆婆, 時光流逝, 明明天真活潑, 一下子就成了老年狗, 優優婆婆, 好掛念你呀.
優豬豬, 我日日都會叫下你, 有時叫bb都叫左你個名, 優豬, 個個都話你係破壞王, 個個都話我寵壞你, 係咪呀??係咪因為我寵壞你, 所以你先咁百厭?? 優優, 我見到一d被遺棄既狗狗, 佢地個眼神好憂鬱, 但係我覺得你雙眼係好歡樂, 好似識笑咁, 係咪因為你有我既寵愛, 所以你覺得好開心呀?
優優, 你知吾知身為主人, 最痛苦係睇住自己既至愛離開, 而最最痛心係要同至愛做決定, 送去彩虹橋, 優優, 你知吾知呢個決定係好痛苦, 亦好內疚, 如果時光倒流, 我一定吾會同你打針, 雖然爸爸話如果我吾帶你打針, 會令你好幸苦, 但係我應該搵一個醫生肯救你, 3個醫生都話你無得救, 但係, 到底係咪真既, 我真係吾知, 可能係我妄想, 優優, 事實你已經離開左, 但係你仍活在我心裡.
優豬豬, 我仲未搵番你bb d相呀, 爸爸話我搬屋果陣掉左???吾係掛, 無可能既, 我一d印象都無
我想搵晒一齊去沖晒, 吾通真係會搵吾番???好激氣呀.
優豬豬, 我真係好掛住你, 我同爸爸一路睇你d相, 一路話 : 優優真係好靚女. 優優, 我成日都好自責, 如果我一早帶你睇醫生, 可能你會好番架. 最衰我一直以黎忽略你既病徵, 我以為你老, 所以係正常現象, 我真係好蠢, 點解咁蠢, 你陪我捱過左十年窮日子, 點解我開始可以好d既時候, 你又吾係我身邊, 本來我地諗住下一次買屋, 要轉晒用地磚, 等你夏天舒服d, 諗好點裝修同你一齊住, 我真係好想你快d番黎我身邊.
優呀, 琴日去行狗展, 一路行, 一路講, 如果優優仲係身邊, 有好多野都可以買, 買小食比優豬啦, 有好多零食, 優豬咁為食, 實行可以飽死喲, 又或者可以同你換條新狗帶.....
不過琴日都係買左二包狗糧比bb, 因為bb d皮膚吾好, 想試下同佢轉糧, 睇下有無好到.
優呀, 我幾晚都夢到你呀, 可能你知我投訴你啦.....我真係好掛住你呀.
優豬豬, 頭先帶BB落去寵物店剪毛, 見到有一隻小貴婦, 佢比人遺棄, 仲比人虐待, 好慘呀, 優優呀, 你知吾知你好幸福呀, 17年來, 你都無受過苦, 因為我真係好吾捨得你, 所以吾捨得遺棄你呀. 我真係好錫你架.
優呀, 我終於忍不住要執你d相出黎, 本來想9月之後先整, 真係忍不住. 我整左十幾個鐘呀, 隻手指仲擦到甩皮呀.
一路睇你d相, 一路笑, 優呀, 你以前真係好靚, 又好可愛, 徐左睇住你大, 睇住你變婆婆, 我都愈來愈老, 我而家都變左肥婆啦.
我仲要搵番d相底出黎, 有d相吾見左, 吾知十幾年前既相底, 仲可吾可以晒呢?
優優, 我頭先夢見你呀, 我夢見我地住係以前舊唐樓果度, 我夢見亞爺開門放左你落街大大, 我發現吾見左你, 問爸爸你去左邊, 爸爸話爺爺放左你落街, 根住我落街搵你, 我一落去就見到你係馬路 大大緊啦, 你一路大大, 一路望住我, 你身後面有架巴士, 正準備開車, 我驚架巴士睇你吾到, 我企左出去馬路揮手等司機睇到我, 吾好撞到你. 我見你一大大完就即刻抱番你上行人路. 仲比我手上塊餅你食, 你好為食呀, 食食下亞 b吾知係邊度走左出黎, 佢又食餅, 見你二個好似走黎走去好開心咁...............又係夢, 優優, 你而家係咪同爺爺麻麻一齊呀, 雖然現實我吾可以再攬住你, 但係, 在夢裡見你都好丫. 優優, 好掛住你呀.
優優, 我琴日係咪見到你呀, 定係我發夢呀, 你向我好大聲吠左一聲就吾見左啦, 你係咪同我打招呼呀? 我見到你好精神, 好多毛毛, 你而家係咪好好呀, 你要成日比我見下你架, 知吾知呀.
優優, 我以前細個有隻小唐狗, 叫小白. 現在想起來, 小白同你性格好似, 你係咪小白轉世再回來我身邊? 但係我要等十幾年你先番黎, 如果你再番黎我身邊, 吾好要我再等十幾年, 我驚我老, 照顧吾到你, 我吾想剩低你一個無人照顧, 你快d番黎啦.
優優, 好掛住你呀, 我成日叫錯BB做優優, 琴日看更又問我你去左邊, 佢話好耐吾見你.......以前d人問我你幾大, 我會好自豪咁話你15, 16, 17歲啦, d人一知道你幾多歲, d人就好驚奇 , 嘩, 婆婆呀. 寵物店主人都話你吾似咁大年紀, 因為你果陣仲好好精力, 仲成日鬧人, 又大聲, 又為食.
而家d人問我你去左邊, 我吾識答, 吾想講, 不如下次有人再問我你去左邊, 我話你走失左,. 叫佢見到你話比我知囉.
我都想知優優你去左邊, 你而家仲係吾係屋企?
優呀, 你吾係度, 我都未整過蛋糕, 以前我整蛋糕, 你會係我後面等我, 一見我將個蛋糕放入焗爐你就好興奮, 個焗爐"叮"一聲, 你就好開心, 你硬係覺得咩食得既野都有你份咁, 我食面包你又食, 我食薯片你又食, 我偷偷係廚房食榴槤你都會知道走入黎又食埋一份. 連介辣你都要食,一路食一路伸晒脷, 超級無敵為食豬.
優優, 記得你第一次自己一個係屋企過情況, 我放工回家, 一開門, 情境就好似比賊人入屋洗劫過一樣, 你既破壞力不下於大狗, 你細細隻已經破壞力咁強, 都好嚇人丫. 你又有寧死不屈精神, 吾鐘意食既野, 幾日都吾食, 餓死把就, 困你入廁所, 你就不停抓門, 抓到手仔都流血, 都不停抓, 通常我都不忍心要放你出來, 爸爸話我寵壞你哦. 我喜歡你野蠻, 喜歡你任性. 總之愛你既一切.
優優, 我頭先望住我隻手版, 我諗你由我手版咁大既bb, 養到你變左老婆婆, 優婆婆, 我好掛住你, 每次一掛住你, 我都會喊, 無論去到邊, 你都係我心入面, 我始終放吾底我地17年既感情, 我同傳心術師講, 你就好似我個女, 無左你, 等如無左個女, 優優, 我成日都記住你問我羅野食果個樣, 你每個表情動作我都好記得, 我真係好愛你.
優優豬, 呢排天氣好熱好熱呀, 我同你一樣, 都好怕熱架. 優優呀, 我係網度睇到有一間寵物善終服務既劣行, 好彩當日無搵呢間攪你既火化, 吾係我實喊死啦. 優優, 我真係好吾捨得你, 我真係好想你係好安詳咁離去架, 但係我又好驚你受到更多既痛苦, 你痛就等如我痛, 我會永遠都咁愛你.
優優, 琴日係網度, 有個網友話佢隻狗狗就黎生bb, 我諗緊要吾要好, 因為佢話佢果隻係西施+約室, 咁咪好似你囉. 但係如果bb再大d, 吾似你咁點算, 所以我仲諗緊. 你話呢?
優呀, 我琴晚睇你d相果陣, 爸爸話好掛住你, 都吾知係吾係, 我掛佢又掛.
而家好流行去d狗樂園, 入面可以游水架, 好可惜17年來都未試過同你去游水啦, 未見過你既泳姿呀. 其實都吾知你識吾識游水既, 係咪狗狗都識游水架?
優優, 你好耐無入夢境啦, 你又去左邊呀?
優豬呀, 頭先洗頭果陣, 諗起你以前, 想大大果陣跳入浴缸臭臭, 你真係似一隻貓丫. 你以前好鐘意乾淨, 吾鐘意污穢, 不過後來身體差左, 可能無咩力氣比你去講究清潔, 你以前見到水漬係地下, 你會跳過去, 吾比d水惦到你, 自從後腳無力之後, 你又跳吾到, 就照行過去. 我諗你行路都一定好累, 優優, 每一日我都係咁掛住你架.
優呀, 我真係無時無刻咁掛住你, 我好耐無抱過你啦. 我好想再抱下你, 再攬下你, 再鍚下你.
我仲係覺得好吾實在, 到底你係咪真係離開左我, 我成日覺得打開房門, 就會見到你企係門口向我搖尾, 好懷念以前係sofa度同你痴纏, 好鐘意你呷醋果個樣. 好掛住你呀.
優優豬, 琴晚傳心術師搵左我, 佢話你而家好好, 仲識左新朋友仔, 可能係hugo, coco, 同金金呀. 傳心術師話你日日都有番屋企, 有時仲同bb傾計, 佢話你有比提示我知你番左黎, 係我個心吾得寧靜feel吾度, 我都有覺得你係屋企架, 你而家開心, 我都開心架. 傳心術師話你會番黎我身邊, 我等緊你架.
優優, 今朝係網度執番你d相, 整理一下, 一路睇, 原來你個樣真係老左好多, 真係好累, 吾怪得d人成日問我, 你係咪好老啦, 你一直係我心目, 都係活潑可愛的刁蠻小姐, 原來你已經係野蠻婆婆啦. 優優婆婆, 你而家點呀, 有無掛住我? 我好掛住你呀.
優呀, 呢幾日係度諗, 不如將你d相, 集合埋一本相簿, 做一本優優全集先, 因為而家你d相係本本相簿有d , 不過我要買左本靚靚相簿先, 仲要拆紙皮箱先可以將d舊相搵番出黎, 因為而家間屋係租既, 所以有d野封左箱都無拆到, 等我搵到本靚相簿, 就拆箱執番你d靚相出黎, 等我第時可以一次過慢慢睇你d相.
優優, 17年既日子真係好快過, 因為開心有你一齊, 所以日子快過左, 17年, 沒有你既日子, 係好難過, 有人話, 你好好福氣, 因為你過左17年開心既日子, 優, 17年來, 我好小打你, 爸爸打你多d, 爸爸成日話我慈母多敗兒喎, 佢話我縱壞你....優優係上天給予我的寶貝, 今生係黎同我一同享受美好時光, 優優, 我愛你.
優優, 我睇番我地以前影d相, 好似無幾耐之前既事咁, 好似好難想像你吾係身邊, 我每一分,每一刻都係掛住你. 今日做瑜珈果陣, 我諗起以前, 我好難係屋企訓係度做運動, 因為每一次我訓低, 你就會走埋黎鍚我塊面, 一係就踩我個肚, 要訓我個大肚腩, 以前你同bb成日爭我個肥肚腩訓, 不過次次都比你爭嬴, 知吾知點解, 因為我偏心你囉, 次次都比個大肚腩你訓. 好掛住你呀, 肥豬優.
優優豬, 琴日我見到有個主人拖住隻紅貴婦, 佢行行下吾肯行呀, 因為前面係寵物店, 我望住佢, 就好似望住你咁, 你又係一行到寵物店附近就吾肯行, 因為你吾肯入去沖涼囉, 果隻紅貴婦好攪笑, 死都吾肯入, 跟住主人唯有抱起佢, 好似你喎. 你連行過寵物店門口都吾肯呀, 傻豬仔.
優優, 我成日諗起你發脾四果陣鬧人果個樣, 諗起都笑, 你一發脾四就不停鬧人, 有時比你鬧都係一種樂趣, 因為你鬧我地果樣好Q, 有時特登激你, 等你鬧下我, 而家諗起都好懷念, 你鬧人都鬧好耐架喎, 優豬, 你而家仲有無鬧人呀?
優優, 每個早上都係我掛念你既高峰期, 我每一日都掛住你, 但係早上特別掛住你, 以前我每朝都好早起身, 因為要一早帶你落街, 以前你好鐘意出街, 出親街你都吾想番屋企, 成日行到好遠既地方, 又行得快, 16歲開始, 你愈行愈慢, 漸漸你落街都吾想行, 大大完你就要番屋企, 真係睇住你老, 睇住你身體差, 優呀....我都會慢慢變老, 但係, 我無你睇住我老丫.....
優呀, 琴日去街市買送, 有個買生果既五十幾歲女人大大聲同人傾計話 : d人養狗, 睇見佢執屎就核凸, 都吾知d人點解養狗.
我真係想同佢講 : 係呀, 我有個朋友都話如果佢亞媽第時瀨屎瀨尿就推佢入老人院, 要同佢執屎執尿咁核凸.
呢個係事實喎, 一個無愛心既人, 都吾會對人好架啦, 對人吾好, 又點會有善報. 你吾鐘意狗, 無人迫你, 我地鐘意狗係我地既事, 我地係有教養有責任心既主人, 緊係會同狗狗善後啦.
優優, 你話呢個人既人品幾差丫, 我地吾好同佢買野啫.
優呀, 17年來, 我發覺原來你比起其牠狗狗都算係小病痛, 計下, 除左呢二年你年老身體差之外, 咁耐以來, 你睇醫生既次數, 真係數得出得3,2次, 你真好叻又好乖.
優優, 動物傳心術師話你仲係屋企吾肯走, 我知你吾會走, 不過傳心術師話你要去攪輪迴手續架, 你攪好手續都可以自由番屋企, 咁你去辦好手續先番屋企啦, 吾係對你吾好架, 如果你吾去辦手續, 我吾比你番屋企架, 乖啦, 快d辦手續, 快d番屋企.
肥優, 你而家乖吾乖呀? 傳心術師話你向佢擺尾, 你而家咁乖呀? 你無周圍鬧人咩? 你吾好咁百厭呀, 吾準成日同其牠狗狗鬧交呀, 吾係無狗狗鐘意同你玩架啦.
優呀, 我琴日買左本何婉盈既書, 講狗狗架, 睇完之後, 成晚都掛住你, 何婉盈話狗狗走左, 係去左一處好美麗既地方, 狗狗會無晒病痛, 回復番以前個靘樣, 我諗都係喇, 因為我每次發夢你個樣都係好健康, 又活潑, 仲係生病前個靘樣喎. 咁你而家係咪係草地度跑緊同曬下太陽呀?
優優, 你記吾記得你細個果陣成日向我投訴爸爸打你架? 你咁百厭, 次次激到爸爸死下死下, 你試過咬爛電話線好多次, 起碼有六,七次, 爸爸嬲到話第二日吾番工, 要掉左你, 係我力保你咋, 你次次比爸爸打完, 一見我番黎, 你就咋死, 舉起隻手, 行到un下un下, 咁我就知你比爸爸打, 我初初都有鬧爸爸, 後來我發現你原來咋嬌, 因為我一食野, 你就無事仲走得好快咁跑黎我身邊羅野食, 咁我咪知你咋嬌囉. 你呀, 成日蝦爸爸呀.
優呀, 你以前似貓多過似狗, 你跳得好高, 成日跳上疏化椅背上坐, 好似隻貓咁, 你最鐘意坐係疏化椅背上, 陪我地睇電視, 我地坐係疏化度睇電視, 你就挨個頭仔係我肩膀上, 你個豬豬, 永遠都係我最愛.
優優, 我好怕落街d人問我你去左邊, 琴日又比人問我你去左邊, 我只係笑下就走左去, 我吾想講, 優優, 每個識我既人都識你, 因為個個都知你係我既心肝寶貝.
傻豬優優, 我琴晚發夢見到你呀, 我夢見爸爸帶完你落街回家, 你一回家就來找我啦, 我每次夢見你, 你都是以前健康美麗的時侯, 那是暗示你現在已經沒有病痛嗎? 你百厭豬果個樣, 我好記得, 你成個小頑童, 仲好似個八婆仔喎.
傻優丫, 我琴晚行經寵物店, 見到入面有好多狗仔, 我走左入去睇, d狗仔好細隻, 好似你以前bb果陣咁, 你以前好細隻, 好Q, 仲好百厭, 咁快就17年, 咁快你就變左做狗婆婆. 好掛住你呀.
優優, 你知道嗎? 我一直內疚帶你去打針, 心痛地帶你離去, 但正如爸爸講 : 如果睇住你到最後痛苦難捱才帶你去打針, 那豈不是要你受更多痛苦? 當我看到別的主人, 看著自己心愛的狗狗痛苦地離去, 我又想到, 如果要你痛苦至最後一刻才送走你, 是不是太殘忍? 優優, 我們都很愛你, 希望你明白, 我吾知有無做錯, 但係我希望你以後都開開心心, 17年來, 我們都是幸福的, 我帶給你幸福, 你也給我幸福, 在我們的歡樂時光裡, 有你有我既美好日子, 優優, 我愛你.
優優, 無論想過千百萬次你終有一天會離開我, 但都事實來臨時, 悲痛仍然是沒法預期, 我一直以為你係安詳地離去, 從沒想過你如此地離開, 我仍是無法釋懷.
優優, 呢輪成日去書局睇書, 我想確認一下, 你個病到底係咪真係好似醫生咁講, 睇左好多書, 原來你既病, 一 早已經有病徵, 而我居然吾知, 我以為你年紀大, 所以會係咁, 我一路睇d書, 一路就眼濕濕, 如果早d帶你去睇醫生, 吾知會吾會有得醫, 對吾住呀優優, 要你病左咁耐, 我真係好內疚.
琴日睇左一本書, 佢話主人失去寵物, 都會有"喪失寵物症侯群", 我可能都有呢個病徵, 我肯定我有"喪失優優症侯群", 優優, 好掛住你丫....
優優, 我每一天都在思念你, 你知道嗎? 我在想, 每次夢到你, 你都是生病前的樣子, 那是不是現在的你, 健康活潑, 再沒病痛? 你會不會忘記我? 優優, 每一天, 你都是活在我心坎中.
優優,琴晚你係咪番左屋企呀? 爸爸話覺得你番左黎, 因為bb琴晚扒左係食物盆前面, 就好似以前佢等你食完野輪到佢食咁, 隔左5分鐘左右, bb起身行埋食物盆度食野, bb既舉動, 又真係好似等你食野喎.
我琴晚發夢見到你呀, 我就好開心, 不過你咁耐都吾搵爸爸, 爸爸都好掛住你呀. 我同爸爸講, 下次再夢到你, 我會叫你搵佢架啦.
頭先我做瑜伽果陣又想起你, 我真係又想喊, 優優, 我好掛住你呀.
優優豬, 我琴晚諗起好多年前同你一齊去大嶼山宿營, 果陣你好年青, 又八掛, 仲好鐘意鬧人, 其實我都好想知, 點解你成日鬧人既??又鬧狗? 你果陣仲吾比人同你一齊搭電梯, 有住客一入電梯你就吾鐘意, 仲有呀, 你好吾鐘意人楂電單車, 你見到人楂電單車又鬧人, 你呀, 真係八掛豬呀.
優優, 琴晚睇電視, 講點樣訓練狗狗做動作, 我記得以前教你比手手, 你好叻呀, 吾使一個鐘就識喇, 只係重覆做左幾次, 你就識比手手, 你真係好叻呀. 不過年紀大左之後, 你就比吾到手手喇, 一來你已經聽不到野, 二來你後腳無力, 吾可以單手企, 好容易跌跌. 優優, 你比吾比手, 我都係最鍚你架.
優優, 你知吾知你吾係屋企, 我變得好無安全感呀? 平時晚上你訓係我房門口, 我會覺得好安心, 而家你吾係度, 我總係覺得好不安, 雖然bb而家代你訓左係我房門口, 但係, 我仍然好無安全感.
優優, 我忽然間發現, 好彩呢9個月我都沒有番工, 可以 日日在家陪住你, 如果我一直番工, 咁我同你一齊既時間會小左, 你病既時侯我番左工, 咁你吾見我, 你實會好吾開心.
你而家係邊呀??
優優, 我問爸爸, 你會不會晚上的時候像"番生茱羅紀"入面個條恐龍咁, 一棚骨咁走出黎食野飲水架??爸爸話我痴線丫.
我突然想起你笑果個樣, 你知吾知你自己點笑架?? 你笑果陣係將成棚牙哨出黎架, 個個見到你笑個樣都笑到卡卡聲. 我都未見過有狗好似你咁笑架, 你個傻豬, 好想抱下你呀.
優優, 這2天我在想, 找一隻跟你一模一樣的狗狗回來, 讓她變成你, 好嗎?
不過, 你是如此獨特, 我恐怕是找不到吧.
我同爸爸講, 如果夢到你, 一定要告訴我喲. 幸而我先跟你夢中再遇, 要是爸爸先見到你, 我是會酸溜溜.
優優, 頭先落街, 我想起網友話你會在後面看著我, 我回頭看看你在嗎?
這幾天, 覺得bb愈來愈有你的影子, bb今天鬧爸爸, 就好似平時你鬧爸爸時的模樣, 爸爸時常都受你二個欺負, 也有點可憐吧.
爸爸也不捨得你呀, 他也哭了很久....我們都愛你.
ckvkzv ;zcx
本米爻束米沖火
優優, 我琴晚夢見你呀,
優優, 你就黎吾係我身邊7個月喇, 而家仲有人問我係去左邊 ? 優優, 我都好想知你而家係邊, 你幾時番黎, 我明明咁掛住你, 點解而家連發夢都見你吾到丫??
個網係咪死死地呀？？？第6次野啦, 都無晒d野生!!!!!
?????!!!!!!!!
優優呀~~~連續第3次打完d野無晒啦, 你話係咪想激死我呀, 優呀, 你同我鬧佢係咪想死呀....
優優呀~~~~我成日打完d野無晒呀, 係咪玩野呀???激死我啦.
優優, 我發覺我好似有d 心理吾平衡呀, 成日發忟震, 又好容易嬲, 成日好激氣, 咁點算呀? 吾通學左你, 成日鬧人???
優呀, 我聽日就知韓文合吾合格啦, 有d緊張喎, 可能今晚又會訓得麻麻地架喇. 我琴日睇左本書, 本書話狗狗17歲, 等如人過百歲架喇, 咁利害??? 優優, 我日日都好掛住你架.
優優, 聽日就係2008年喇, 2007年係我最傷心既一年, 因為無左優優係身邊, 優優你每日都係我腦海中出現, 每日我都想你, 優優, 我會愛你千百萬年.
優呀, 琴晚同爸爸一齊睇你d相, 我同爸爸都一路睇, 一路話優優好靚女, 好可愛, 優優, 就黎你吾係身邊 2個月喇, 我覺得你好似無離開過我. 爸爸同我都覺得, 要搵番同你一樣既狗狗都好似無咩可能咁, 優呀, 我好想再攬住你錫錫呀.
