我不愛吃甜，所以通常飲奶茶咖啡都要走糖走甜，呢句說話，差不多每日一次。

而家，珍珠、奶茶、咖啡真係走咗糖，因為佢地阿媽糖糖真係走咗喇！

呢兩日，呢幾隻孤兒仔無咩特別，只係有時覺得佢地好似好奇怪咁搵緊嘢，不單止佢地，連其他幾隻貓，就連果隻以為自己係貓嘅狗豆豆都好似耐唔耐就係度搵嘢，唔知佢地係唔係搵緊糖糖呢？佢地又知唔知糖糖已經唔係度呢？

我諗，佢地都要好似我咁，要去適應失去了伴嘅感覺，由mieo mieo 到肥妹到糖糖，我已經失去咗兩貓一狗，畢竟，時間一天一天過，佢地嘅年紀一天一天大，總是會有離開的一天。

真的怕再失去，不想了...