Lui Lui

四月二十日10 : 20 分晚上這個永世難忘的日子，我心愛的囡囡離開了我地去了天國！

由朋友手中接過當時只有七個月大的囡囡我地的十七年感情開始了！囡囡系一個很討人歡喜的cat cat ，佢擁有一身雪白的毛髮、一雙天籃的眼精、一把嬌嗲的聲線、一顆善良的心、一顆善解人意的性格，可以說佢是非常完美！

人同人相識講緣份，動物與人類相遇一樣講緣份，囡囡同爸爸有不解之緣份，爸爸對佢不是十分關懷備至，但囡囡對爸爸果種深厚感情旁人是不可理解的，囡囡只要聽見爸爸的聲音訓系爸爸大脾上佢眼裡及面上表露出很滿足很開心，有時候感覺到囡囡表露出果種喜悅像說爸爸已是佢的一切！因囡囡住系露台外面，早上返工我地只有同佢地say hello就沖沖返工，通常晚上佢地就入屋玩下訓下，其他cats 都沖沖趕入屋玩下，為獨是囡囡佢只會期待爸爸叫佢的名子就慢條斯里走到爸爸身邊，其他人叫佢佢不聞不問，入屋後佢會等爸爸拍拍大脾囡囡就好興奮開心坐系爸爸大脾訓下、嗲下玩弄爸爸手指、同爸爸傾訴下好滿足好安心坐下爸爸大脾直至我地要訓覺，有時大小姐會發下脾氣，因爸爸沒有特別專注佢佢會不停大吵大嚷等爸爸叫下佢，記得有一次囡囡如常坐系爸爸大脾我當時非常羨慕，所以我拍拍我的大脾示意比囡囡叫佢過來坐下，我不停叫佢佢只都眼me me 睇實我毫無反應，當爸爸說囡囡應酬亞媽啦過去坐下啦！囡囡好免為期難叫兩聲就作狀就過來我腿邊沒有上大脾就轉頭就走，當時我唔知好嬲定好笑！心想難道我的大脾肚腩唔夠爸爸豐滿唔好坐，有時囡囡訓系爸爸心口一訓就兩個鐘！心想唔通佢地前世有宿世情緣今世來報恩，有時爸爸去街未返囡囡只坐系爸爸平時個位到等，有時我叫佢過來坐下梳梳佢的毛佢啋我都傻 ！一於唔so 我，真系好hurt !! 雖然我不是囡囡心目中的最愛，為獨我最愛是佢！就算佢對我多麼冷淡！這是不是叫前世同今生早注定！

系四月三日睇醫生得知佢癌病已擴散到肺部不能活得長久，心想佢食得走得為獨是有些呼吸急速，怎麼一回事？心情既失落有半信半疑！眼見佢精神時好時壞，最後又帶佢到另一個醫生睇清楚，可惜當日醫生話x- ray報告唔會欺騙人，事實佢病情已很嚴重，可以話沒有明天當時佢話囡囡如好彩可能有多幾個月命，當時我同爸爸哭到變淚人，即時問醫生有咩藥令佢活多幾年，醫生話無！真系唔敢相信事實，最後醫生開了一些消炎開胃魚油藥對病情毫無幫助的藥比囡囡希望佢能用自己的力量對抗癌細胞，其實只系安慰自己，當時得知雲芝黑酵母對佢有幫助，我地一一比佢嘗試食，當時佢沒有太大抗拒當然食藥時一定辛苦，有時見佢食到流淚我地一路餵個心一路流淚，非常難受！問問自己因我自私要佢活多幾天就要佢受苦嗎？還是見死不救？心裡面既難受又無耐！好多次爸爸都因食藥睇醫生問題與我吵架，囡囡聽見當然唔開心，佢最討厭我地吵架我地一吵架佢就不停叫，像是很不滿！囡囡如常食藥到一星期多佢開始唔食野，每日我都不停哄佢陪佢幫佢刷刷毛髮，希望佢開心食多少少！每日我一早起床陪下佢用更將食物送到佢口邊務求佢食多少少，日日買唔同罐頭比佢試下，每次佢都好興奮試食但食一兩口就停止因為食野令佢呼吸困難，所以佢很驚食野，佢由食少少變到唔食野，佢身體情況越來越差，佢自從病了佢已入了屋訓，我地唔想其他cats打攪佢，佢永遠都睡系桌下全屋最偏的位址，動物同人一樣有病就自卑連佢最喜愛爸爸大脾梳化佢都拒絕訓！個心越來越焦急，不知所惜！當時囡囡四天無大便，只系狂飲水，可能腎臟已開始衰竭，好幾次因太急去到沙盆已一半痾了出面一半入面，就算佢病都記得用沙盆不會周圍痾！所以我最愛錫的原因，四月十七日又帶佢睇醫生，今次醫生話佢得番一星期命！無可能！怎會？因癌病擴散很快佢話你一定要接受現實！有心裡準備！當睇完醫生後囡囡開始抗拒食藥食野就算食了佢會用盡全身力量反扣出來，相比食藥更辛苦，因每次反扣後呼吸急速好耐都不能回順，所以我地感覺佢自己都想放棄還是佢唔想我地太辛苦再為佢操心，自從佢病了我同爸爸辛苦了很多，工人姐姐剛剛走了，而我地又要照顧佢兩個至親佢個女 ( bb ) 佢老公 ( 小寶 ) 及患了腎病的may may ，可以說日日夜夜都唔夠訓，晚晚放工又要趕返屋企哄佢陪佢希望囡囡食野，我相信佢唔想我地太辛苦為佢再操心所以撰擇早些離開！因為囡囡有一顆善良的心，善解人意！我當時晚晚淚流，返工等放工一返屋企淨系陪伴囡囡，每日我都同囡囡講如太辛苦要走唔洗掛住我地，只要等我地返來送你最後一程！佢眼me me 望實我叫下像是明白，平時佢好少so 我，由佢病了後我用無限愛心耐性感動了佢佢比平時多啋我，相對爸爸叫佢佢全無反應表現冷淡，心想佢唔想爸爸傷心還是被我感動了，我每晚都坐系地下好幾個鐘拍拍佢pat pat 梳下佢的毛佢好開心叫下像很開心！

最唔想的一日來臨，系四月十九晚佢突然走出來爸爸身邊叫下坐系爸爸大脾機本跳上梳化對佢已是難事，當晚佢主動跑過來所以我地即時抱佢到爸爸大脾休息下，我地非常開心並不知道原來黑夜來臨了，不幸的事情將降臨我地家！四月二十日晚我如常返家，當晚因出外食飯所以差唔多九時多回家，一開門唔見囡囡心慌慌之際突然聽見囡囡好大聲叫，但唔見佢，原來佢已系門後等我地，我一開門將佢推到門後，可能佢已等得好心急，我即時餵佢食野當然佢都抗食我抱佢去梳化坐下陪佢傾下當時佢眼已半合無曬精神，聲線很弱，呼吸急速，心想難道佢系時候走嗎？我地半步都唔敢走開，即時帶佢老公及女兒比佢見下佢兩個fing 下嗅下佢地，差唔多十時我當時一路影movie 其實囡囡最討厭影相每次影親相都 me 埋眼睛令側面，但今次我叫囡囡比我影下佢慢慢抬起頭睇實鏡頭像事很多說話要講？突然佢急急要跑落地當時爸爸叫佢坐下先，原來當時佢很尿急所以想跑去痾埋最後一次尿！系最後一次尿！可惜佢已太急最後系爸爸褲上痾了，佢從未試過，支後爸爸沖沖去換褲沐浴，當時囡囡好緊張眼睛不停注視爸爸去向，然後沖沖跑到佢平時睡覺的地方開始速氣，跟住我叫爸爸即時出來可能等唔切！跟住囡囡開始氣速雙腳慢慢放軟倒地，我同爸爸哭到變淚人，當時我同爸爸摸住囡囡身軀及手仔陪佢走完最後一段路，爸爸全程望實囡囡我相信這是囡囡的遺願！所以當爸爸離開去洗手間時佢果種緊張神情我完全感覺到佢焦急的心情，因為囡囡擔心爸爸唔能夠送別佢！

囡囡由病發短短十七日就比無情的癌細胞殘害奪去了寶貴的生命離開！是好彩還有不幸？

系這十七年來囡囡只系一歲時做過手術生了bb，系幾歲時患過耳朵發炎最後攪到耳朵變型，一路以來佢都過住無休無慮無病無痛活了十七個年頭，到今時今日佢只是受了十七日的病魔折磨離開，我相信佢前世修道今世享褔！我地希望佢不要掛念我地早登極樂快快樂樂在天國生活下去！

舊年五月當時may may 發現腎病，佢需要長期打針食藥延長生命，當時我想帶囡囡去做身體檢查，當時爸爸話見佢食得走得睡得為什麼要佢受針藥之苦，所以沒有為佢做任何檢查，就算做了檢查可以醫好嗎？如當時一早得知佢有癌病佢就會提早接受食藥打針之苦來為持生命，我相信我絕對唔會放過任何一個治療佢方法，所以只佢會令佢提早受病魔折磨來渡過餘生！難道佢會願意及開心嗎？眼見may may 長期要打針延續生命佢是否幸運得多！

我相信囡囡前世系好生之得，今世佢沒有比病魔折磨好幾年先離開，是褔份嗎？就算佢走都乾淨利落，沒有帶任何麻煩比我地為佢善後，佢一早預支自己已將離開系早一日佢痾最後一次大便、系走前幾份鐘痾最後一次尿，因為佢唔想弄髒地方要我地為佢清潔地方，佢系臨走前預留一小時時間比我地為佢影movie 傾談下摸下佢餵下佢食野為佢梳下毛髮，因為佢想與我地共渡最後快樂時刻，唔想沖沖走了就算！所以佢永遠系一個心地善良的cat cat，好真希望佢如我所願你早登極樂去了彩虹橋過住無休無慮無病無痛的生活！

天意: 上天好像已主宰了一切，當囡囡離世後，我地帶住沈痛心情忙於搵資料幫囡囡處理身後事，心想只想搵一間有信心的善後公司處理囡囡身後事，無意中睇到fanling 專業，所以第二日我地帶住囡囡冰冷的身軀架車到fanling 安排善後工作，當上車後發覺原來我地途經的路線曾是我們與囡囡住過的幾間舊居，包括佢第一次到我家的舊居，我地原途一路講比囡囡聽感覺到像時光倒流一樣，好像回到十七年前一樣，所有以前快樂的影像一一再重現系眼前，就算佢最後火化的地方fanling 都系佢生bb 的地方及曾住過的地方，心想唔通佢都想到舊居懷念我地以前快樂的日子！還是天意安排了一切？ 所以我相信由佢自己開始抗拒食藥食野佢都是唔想我地太辛苦太傷心，因為如佢一路生存下去只會令雙方延長痛苦，始終有一日佢都會其他病帶走佢，因為佢已17 yrs old ！


不幸的日子終於降臨到我家帶走了我的心愛的囡囡！囡囡你在那方？為什麼唔報夢告知你的去向？等爸爸媽媽安心工作！自從你走了後回家每次抱住你冰凍的骨灰盅感覺你還系屋企！ 你是否已歸來嗎？