B仔

B仔, 2001年哥哥將你帶黎我地屋企..
記得果陣補完習番屋企第一次見你..
就覺得你好可愛..
膽細細..D毛又白雪雪
由果一刻開始你就成為我地家庭一份子
你就係我既細佬
2001年的你

仲記得果陣哥哥既離開..
全靠有你陪住我地
BB豬..轉眼你已經陪左我地就黎10年
我地一齊經歷過好多開心同唔開心..

你好乖..我地帶你一齊去飲茶..食大家樂
去郊遊..去BBQ..我地一齊坐車車去過好多地方
仲一齊去睇馬騮..陪媽媽游早水
你係一隻唔洗用狗帶既狗
一隻似人既狗
你既一生有好多趣事
你亦聽得明..識得好多野..
你識回應我既說話..當我同你問爸爸,媽媽,姐姐O向邊..
你就會汪汪汪噤叫..
你知道當人嘈交果陣..
最安全就係行番去大房關埋門
你知道落街街同坐車車即係去玩
你知道叫沖涼就要即刻走佬
你知道每晚9點要準時第一個行番去大房訓覺
你知道食貓屎即係食你地幾兄弟既至愛.."豬肉條"
你知道食火龍果就要乖乖坐低等
你亦知道豬豬係你最愛陪左你10年既玩具
B仔..你有太多太多既野..係我講唔哂


後來既B仔..
你D脾氣越黎越臭..
會追住我地黎咬
但係又偏偏怕貓怕狗怕外人..
只蝦自己人
不過我地都好愛你
包容你

B仔..當你回頭睇番自己既一生
你仲有咩遺憾?
有既..應該係你成世仔好多病痛
但係你又好忍得痛
唔到最後..都唔會比人知
你做過2次背部既手術
由唔行得變到行得
個個以為你唔得
你就堅持到底
但係家姐知..
你今次真係好累了
你頂唔到啦


家姐冇怪你丟低我地..
我只係怪我自己
你既人生10年中
我有4年半去左美國讀書..
我少左太多同你一齊既時間..
但係我每次番黎..你都仲記得我..
仲好掛住我
我好耐之前已經好驚你同MON仔會離開我..
我好怕去諗你地會用咩方法離開
到左今次你有LEE個病..
我地都知..你會有日離開
只係我地都估唔到LEE一日會噤快
我無時無刻個腦入面..都係我地以前一齊開心既日子
我會控制唔到自己叫你個名..同埋喊..

我地到E家都接受唔到LEE個事實
我願意用我既壽命黎換你既壽命
到E家我都希望所有野係夢一場..
訓醒之後..B仔你就番黎..
B仔原來你冇走到..
我真係好掛住你既行路聲..
掛住你既吠聲..


B仔..你乖乖地訓啦..好好噤休息
同哥哥O向第2個世界開開心心噤生活..
今日1月4日..爸爸媽媽送左你一程..
帶你去火化..
家姐都O向電話殊陪緊你架..
B仔..你聽唔聽到我講既野??
你乖乖地..
爸爸媽媽接你番屋企..
等你永永遠遠可以留O向我地身邊
永遠沉睡既你
我地一家人以後一定會有機會再見..
我地永遠都會留一個位置比你
你永遠都活在我地既心中!!
家姐同你約定..下世我地都要做一家人..
永遠既一家人..
記住..WE ALL LOVE U =)