主人登入 常見問題 免費註冊
 

關於我和我的寵兒

我同小灰亦都係在寵物店度相遇既,我同我老公一睇就睇上左呢隻兔仔喇!咁就買左返屋企喇!
小灰就非常細膽,鐘意自己一個,但佢就鐘意人摸佢,佢比較獨立D,出黎玩都係一樣,有時望住佢,佢既眼神話比我知,佢係知道我鍚佢既,小灰初時都係跑跑,跳跳咁,小灰就冇咁百厭,但都好活潑,會走入櫃底,跳上梳化,跳上床,到左後來佢成日都係厠所度,一出黎就入左厠所直到夜晚都可以唔出黎,係到我訓覺先抱佢入去!我放左D食物同水比佢,佢就唔多鐘意出黎,雖然小灰唔鐘意黐人,但我都成日陪住佢,等佢知道係有人鍚佢,關心佢!果時我都未有數碼相機,呢D相都係借朋友部黎影既,相簿就有D再肥D,得意D既,不過就冇辦法比你地睇到喇!小灰陪左我差唔多兩年半,係呢段日子我亦都係好開心,見到佢肥嘟嘟咁豎起兩隻大耳朵望住我幾得意呀!
小灰從來都未病過,點知就係果年既冬天佢病左喇,我好多日都唔食野,乜野都唔食,手腳跣下跣下咁,後來就帶佢去睇醫生啦,醫生話佢發燒,比左D葯啦,亦都叫我試吓比D波羅汁比佢飲,睇下佢會唔會開胃D,過多幾日帶佢返黎覆診啦,咁我試下啦,小灰都唔肯飲.但好奇怪前一日小灰成日都冇係厠所度會出黎呢度灘下,果度灘下,到左夜晚佢重成日黐住我,係我大腿中間跟住抬高頭望住我,我就不斷咁摸住佢同佢傾計啦,到左第二朝,果日咁岩係星期日,我帶小灰去比醫生睇,醫生話佢已經退左燒喇,但就睇佢既氣色就唔係好好,就話我地醫貓狗就叻D,我而家即刻轉介你去大圍睇啦,不過佢地下午會休息,叫我地快D帶佢去睇,咁我地咪快D去撘火車啦,火車先過左兩個站小灰就係咁想出黎,可能想我抱住佢啦,咁跟住小灰就離開左我喇,我當時忍住D眼淚,因為架車好多人,我唔想比人知我隻寵物……!但我都冇落車,一樣撘到去大圍一落左車我D眼淚就不斷咁湧出黎,我一路跑一路喊,都去比醫生睇下,睇下有冇得救,我淨係記得醫生同我講左一句說話就係Oh, too late,我喊得重大聲,係度喊左個幾鐘先走到,跟住我就同小灰講我一定會帶佢返屋企,唔會放低佢係度!小灰既離開我亦係喊左幾日,就係因為太過傷心所以先諗住買過一隻可以令自己放開D,有D寄託冇咁難過,所以一個禮拜之後就諗住買過一隻啦,點知呢隻重傷心,小灰既離開我亦都有自責過,如果我早D帶佢去睇醫生可能就冇事,如果個醫生早D介紹我去果邊亦都可能冇事!對唔住呀小灰!唉……!呢兩次既傷痛令我以後都唔想再養寵物喇!

我的寵兒

 
主人資料
暱稱: 小娟
名字: 美娟
姓氏:
性別:
生日: 1975-10-06
 
網上聯絡
 
其他
職業:
學歷:
興趣: